افغانستان سودا و سرمایه یاتقیزیش اتاق مسئوللری، افغانستانده میوه و سبزه‌وات ییغیم-تیریم فصلی باشلنیشی بیلن، پاکستان دولتی اوشبو محصولات نینگ باجخانه تعرفه‌لرینی نیچه برابر آشیرگنینی معلوم قیله‌دیلر.
افغانستان سودا و سرمایه یاتقیزیش اتاق اۉرین باسری خان‌جان الکوزی گه کوره، پاکستان تامانیدن باجخانه تعرفه‌لری آشیریلیشی بیلن، ایکّی هفته دن بیری افغانستان‌لیک سوداگرلر پاکستان گه تازه میوه و سبزوه‌وات‌لری صادراتینی توخته‌تگنلر.
بیزلرنینگ فیسبوک صحیفه‌میزگه باش اورینگ!
الکوزی نینگ کوپه‌یتیریشیچه: «ایکّی هفته دن بیری پاکستان افغانستان نینگ تازه میوه و سبزه‌وات‌لری تعرفه‌لرینی آشیرگن… بو قیینچیلیک حلی اوچون عبدالسلام حنفی یېتکچیلیگیده بیر هیئت تعیین‌لنگن و تشقی ایشلر وزیرلیگی بو هیئت ده بار. بو معما حل اېتیلیشی اوچون سعی-حرکت قیلماقده‌میز.»
افغانستان سودا و سرمایه یاتقیزیش اتاق اۉرین باسری گه کوره، بوندن آلدین افغانستان نینگ سوداگرلیک توارلری اینیقسه تازه محصولات یوکلنگن ۳۰۰ دن ۴۰۰ گه قدر کانتینر، هر کونی پاکستان گه صادر بولر اېدی.
افغانستان‌لیک سوداگر رفیع‌الله، بوندن آلدین پاکستان گه زردآلو صادر قیلر اېدی، افغانستاندن پاکستان گه صادرات دوام اېتگن حالده، اولر هېچ سود قیلمه‌ی و سوداگرلر نقضان کوریش‌لری ممکن دیېدی.
بیزلرنینگ «ایکس» ترماغی ده هم تعقیب قیلینگ!
افغانستان و پاکستان سودا قۉشمه اتاق باشلیغی نقیب‌الله صافی، افغانستانده میوه ییغیم-تیریم فصلی گه اشاره قیلیب، ایکّی مملکت حکومت‌لریدن بو معما نی تیزلیک بیلن حل اېتیش‌لرینی سۉره‌یدی.
افغانستان سودا و سرمایه یاتقیزیش اتاق مسئوللری، سوداگرلر حاضرگی کونده آز مقدار ده هوا یولی آرقه‌لی هندوستان و دبی گه تازه میوه صادر قیلماقده‌لیک‌لرینی اورغوله‌یدی.
پاکستان هر ییلی افغانستانده تازه میوه ییغیم-تیریم فصلی ده، تورلی بهانه‌لر سبب اوشبو محصولات نینگ صادراتی گه توسیق بوله‌دی.