افغانستان تیمیر یول اداره‌سی مسئوللری نینگ ایتیشلریچه، چهارشنبه کونی، ۱۷-عقرب، بلخ ده اوشبو اداره سرپرستی بخت‌الرحمان شرافت اوزبیکستان تیمیر یول اداره‌سی باشلیغی زفر غیاسویچ بیلن اوچره‌شیب و اوندن اوزبیکستان، حیرتان-مزارشریف تیمیر یولینی قیسقه مدت ایچیده و ارزان نرخ ده قیته توزه‌تیشنی طلب قیلگن.
افغانستان تیمیر یول اداره‌سی سوزلاوچیسی سمیع درانی گه کوره، اوزبیکستان تیمیر یول اداره‌سی باشلیغی حیرتان_مزارشریف تیمیر یولینی ۵۰ فایز تخفیف بیلن قیته توزه‌تیشیدن ایشانچ بیرگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «تیمیر یول اداره‌سی، حیرتان_مزارشریف تیمیر یولی نینگ ۷۵ کیلومتری سونگی اوزگریش‌لر باعث بوزیلگندی قیته توزه‌تیب و سوداگرلیک توارلرنی انتقال بیریش جریانینی باشلش اوچون تلاش قیله‌یپتی.»
افغانستان سوداگرلیک و سرمایه یاتقیزیش اتاق مسئوللری نینگ ایتیشلریچه، بوندن آلدین حیرتان_مزارشریف تیمیر یولی دن هر کونی مینگلب تُن ترانزیتی توار انتقال بیریلر ایدی؛ بیراق حاضر اوشبو یول نینگ ایریم بولیم‌لری بوزوق‌لیگی باعث سوداگرلیک توارلر انتقال بیریلمه‌یدی.
افغانستان سوداگرلیک و سرمایه یاتقیزیش اتاق اعضاسی خان‌جان الکوزی گه کوره، حیرتان_مزارشریف تیمیر یولی قیته قوریلیشی بیلن سوداگرلر گه قولی‌لیک یره‌تیلیب و مملکت ده ییگولیک آزیق_آوقت نرخی پس توشیشی ممکن.
بیزلرنینگ «ایکس» ترماغی ده هم تعقیب قیلینگ!
او نینگ ایتیشیچه: «بو یول قیته قوریلسه یخشی بوله‌دی، توارلر وقتیده انتقال بیریلیب و سوداگرلر نینگ توارلری هم بوزیلمه‌یدی و نرخ_نوالر اوستیگه تاثیر قیله‌دی.»
افغانستان تیمیر یول اداره‌سی مسئوللری گه کوره، سونگی بیر ییل ده تخمیناً ۴.۶ میلیون متریک تُن سوداگرلیک توار، تیمیر یوللری آرقهلی منطقه اولکه‌لر گه صادر و اوشبو مملکت‌لر دن افغانستان گه وارد ایتیلگن.
