اوتگن کونی (دوشنبه، ۲۶ ثور) روسیه پایتختی مسکوده جمعی خوفسیزلیک تشکیلات گه اعضا مملکت‌لر لیدرلری نینگ ییغینی اوتکزیلدی.
روسیه تاس آژانسی نینگ معلوماتی اساسیده، مذکور تشکیلات گه اعضا مملکت‌لر ییتکچیلری، افغانستان بیلن چیگره حدودلر خوفسیزلیگیدن خواطر بیلدیریب و چیگره خوفسیزلیگی کوچه‌یتیریلیشی اوستیگه تأکید ایتگنلر.
بیزلرنینگ فیسبوک صحیفه‌میزگه باش اورینگ!
اوشبو ییغین یکونیده ترقه‌لگن اعلامیه ده کیلیشیچه، جمعی خوفسیزلیک تشکیلات افغانستان و باشقه خارجی چیگره منطقه‌لرده‌گی وضعیت گه بناً، اوشبو تشکیلات گه اعضا مملکت‌لر خوفسیزلیگیدن ایشانچ‌لری کامل بولیش اوچون چاره تدبیر کوریش‌لری کیره‌ک.
مذکور ییغینده قزاقستان جمهور باشلیغی قاسم جومارت توقایف نینگ ایتیشیچه، افغانستان بویلب ثبات‌سیزلیک و بو مملکتده ترورچی گروه‌لر نینگ فعالیتی، جمعی خوفسیزلیک تشکیلات گه اعضا اولکه‌لر امنیتینی تهدید قیله‌دی.
قزاقستان جمهوررئیسی گه کوره، افغانستان تامانیدن احتمالی تهدیدلر باعث، اورته آسیا مملکت‌لر نینگ چیگره خوفسیزلیگیگه دقت بولیشی کیره‌ک.
عین‌حالده، شانگهای همکارلیکلر تشکیلاتی گه اعضا اولکه‌لر، اوتگن کونی هندوستان میزبان لیگی بیلن اوتکزیلگن ییغینده، افغانستان خوفسیزلیک وضعیتی بحث گه آلینگن.
بیزلرنینگ توییترده هم تعقیب قیلینگ!
اوچ کونگچه دوامی بولگن مذکور ییغینده، منطقه مملکت‌لر نینگ نماینده‌لری افغانستان ده امنیتی وضعیت و ترورچیلیککه قرشی کوره‌ش باره‌سیده بحث ایتیش‌لری کوتیله‌دی.
ایریم مملکت‌لر اینیقسه افغانستان قوشنی‌لری، اوشبو مملکتده تروریستیک گروه‌لر نینگ فعالیتیدن خواطر بیلدیرر ایکن، بیراق اسلامی امارت افغانستان هیچ بیر مملکت اوچون تهدید ایمسلیگینی تأکید ایتیب کیلماقده.