افغانستان اوچون اروپا اتفاقی نینگ مخصوص نماینده‌سی توماس نیکلاسن، کابل دن بروکسل گه قیتیش بیلن توییتری ده یازیشیچه، مذکور اتفاق افغانستان نی خلق‌ارا آجندا ده سقلب قالیشگه طرفدار. لیکن او اسلامی امارت گه زمان قیسقه و تیزلیک بیلن اقدام قیلیش‌لرینی ایتگن.
اروپا اتفاقی مخصوص نماینده‌سی، یینه بیر بار افغانستان ده همه‌شمول حکومت شکللنیشی اوستیگه تأکیدلب ایتیشیچه، اوشبو مملکت ده دایمی صلح برقرارایتیلیشی مقصدیده همه‌شمول حکومت شکللنیشی لازمی دیر.
اونینگ کوپه‌یتیریشیچه: «اسلامی امارت دن، افغان خاتین قیزلری و ایرکک‌لری سیاسی توزوم، رهبرلر و سیاست خصوصیده فکر_ملاحظه‌لرینی بیلدیریش اوچون بیر جریان توزه‌تیش‌لرینی طلب قیله‌من. افغانستان ده دایمی صلح برقرار ایتیلیشی اوچون همه‌شمول حکومت شکللنیشی لازمی دیر.»
بیزلرنینگ فیسبوک صحیفه‌میزگه باش اورینگ!
عین‌حالده، سیاسی ایش بیلرمان‌لردن قطاری، افغانستان ده همه‌شمول حکومت شکللنیشینی سوره‌ب ایتیشلریچه، همه‌شمول حکومت شکللنیشی اولکه یشاوچیلری نینگ خیری گه دیر.
سیاسی ایش بیلرمان و اسلامی امارت گه یقین سیمالردن سیداکبر آغا نینگ سلام‌وطندار گه ایتیشیچه، اسلامی امارت همه‌شمول بولیش اوچون طرف‌سیز و متخصص سیمالردن ایش آلیشی کیره‌ک.
اونگه کوره: «خارجی مملکت‌لر اوزلری تنله‌گن کیشی‌لرنی همه‌شمول حکومت ده جایلشتیریشنی ایسته‌یدیلر و اسلامی امارت همه‌شمول حکومت اوچون طرف‌سیز و متخصص کیشی‌لردن ایش آلیشی لازم. بو ایش اهالی نینگ خیری گه دیر و مملکت بویلب دایمی صلح برقرار ایتیلیشی گه یاردم بیره‌دی.»
باشقه تاماندن، سیاسی ایش بیلرمان‌لردن باشقه بیری عبدالجبار اکبری، اروپا اتفاقی مخصوص نماینده‌سی نینگ سوزلری گه مناسبت بیلدیریب ایتیشیچه، خارجی مملکت‌لر همه‌شمول حکومت ده اوزلری گه یقین کیشی‌لرنی استخدام قیلیش اوچون سعی و حرکت قیلماقده‌لر.
جناب اکبری، اسلامی امارت دن مشارکتی حکومت شکللنیشی اوچون، تجربه‌لی و متخصص کیشی‌لرنی استخدام قیلیشینی طلب قیله‌دی.
بیزلرنینگ توییترده هم تعقیب قیلینگ!
شو بیلن بیرگه، اسلامی امارت سوزلاوچیسی نینگ اورین باسرلریدن بلال کریمی، افغانستان ده همه‌شمول حکومت شکللنیشی گه دایر اروپا اتفاقی مخصوص نماینده‌سی نینگ بیاناتی گه مناسبت بیلدیریب ایتیشیچه، بو سوزلر اونینگ شخصی نظری دیر و اسلامی امارت بوتوغریده هیچ نرسه دیمه‌یدی.
بلال کریمی نینگ ایتیشیچه: «همه‌شمول حکومت باره‌سیده اروپا اتفاقی مخصوص نماینده‌سی نینگ بیاناتی شخصی نظری دیر و اسلامی امارت بوتوغریده هیچ نرسه دیمه‌یدی.»
عین‌حالده، افغانستان ده اسلامی امارت حاکمیتیدن بیر ییل دن کوپ اوتسه ده، هیچ بیر مملکت هلیگچه اوشبو حکومت نی رسمیت گه تانیمه‌گن. تروریزم گه قرشی کوره‌ش، انسان حقلری گه حرمت قیلیش و همه‌شمول حکومت شکللنیشی، اسلامی امارت نینگ رسمیت گه تانیش اوچون قطار مملکت‌لر نینگ اساسی شرط لریدن بیری دیر.