قیزیقرلی و عجایب اویینده، رئال مادرید فوتبال جماعه‌سی بارسلونا فوتبال جماعه‌سی گه غلبه قازاندی.
رئال مادرید فوتبال جماعه‌سی ۲۴-جدی، یک‌شنبه دن دوشنبه گه اوتر کیچه، اسپانیا سوپر کپی فاینل اویینیده بارسلونا فوتبال جماعه‌سینی ۴:۱ حسابی بیلن مغلوب قیلیب و اوشبو رقابت‌لر ده ۱۳-قهرمان‌لیگینی نشانله‌دی.
بیزلرنینگ فیسبوک صحیفه‌میزگه باش اورینگ!
سعودی عربستان نینگ الاول کلوبی ده رئال مادرید و بارسلونا اویینی باشقه الکلاسیکولر کبی قیزیقرلی شکلده باشلندی و رئال مادرید نینگ هجومچیسی برازیل‌لیک وینیسیوس جونیور مسابقه نینگ بیرینچی بولیمی ده ۱۰ دقیقه ایچیده ایکی مرته گل اوردی.
بو مسابقه نینگ بیرینچی بولیمی دوام ایتر ایکن بارسلونا جماعه‌سی نینگ هجومچیسی روبرت لواندوفسکی ایسه ۳۰ دقیقه ده بو جماعه نینگ بیرینچی گلینی اوریب و آره ده‌گی نتیجه نی قیسقرتیردی.
مسابقه نینگ ۳۹ دقیقه‌سیده، برازیل‌لیک وینیسیوس جونیور پنالتی نطقه‌سیدن رئال مادرید نینگ اوچینچی گلینی اوریب و هتریک قیلدی.
بیزلرنینگ «ایکس» ترماغی ده هم تعقیب قیلینگ!
اویین نینگ ایکینچی بولیمیده، کهکشانی‌لر بارسلونا گه قره‌گنده یخشی عمل قیلیب و ۶۴ دقیقه ده رئال مادرید نینگ هجومچیلریدن باشقه بیری برازیل‌لیک رودریگو ۶۴ دقیقه ده بو جماعه نینگ تورتینچی گلینی اوردی و رئال مادرید ایسه سنتی رقیبی گه غالب بولدی.
رئالد مادرید بوندن اول، ۱۲-مرتبه اسپانیا سوپر کپی قهرمانی بولگندی و بو اوشبو رقابت‌لر ده مذکور تیم نینگ ۱۳-قهرمان‌لیگی حسابلنه‌دی.
اوتگن ییل، سعودی عربستان ده بارسلونا، رئال مادرید جماعه‌سینی ۳:۱ حسابی بیلن مغلوب قیلیب و بو قهرمان‌لیک نی قولگه کیریتگن ایدی.