عیاللردن قطاری نینگ ایتیشلریچه، توغیشلر اورتهسیده فرقلی وقفه قوییش اسلوبلری، اولر آره‌سیده تورلی‌خیل ساغلیق قیین‌چیلیکلر گه سبب بولگن. مذکور عیاللر نینگ کوپه‌یتیریشلریچه، حامله‌دارلیک آلدی آلینیشی اوچون بولگن تابلیت‌لر و پیچکاریلردن قوللنیش، کپسول و لوپ (IUD)، اولرده ساغلیق قیین‌چیلیکلر جمله‌دن قتیق باش آغریق، کمحوصلهلیک، افسرده‌لیک و کوپینچه وزن آلیشلری گه سبب بولگن.
تورت باله آنه‌سی بولمیش ۲۷ یاشر عادله نینگ ایتیشیچه، اوچ باله‌سی سوت‌مه-سوت بولگن و تورت ییل وقفه‌دن کیین، تورتینچی باله‌سینی توغگن. اونینگ کوپه‌یتیریشیچه، باله‌سی نینگ ساغلیق قیین‌چیلیگی بار و توغیشلری اورتهسیده وقفه قوییش اوچون حامله‌دارلیککه قرشی پیچکاریلردن قوللنگن که، مذکور پیچکاریلردن قوللنیش اونینگ عصبی قیین‌چیلیکلر گه چلینیشی‌گه سبب بولگن.
اونینگ ایتیشیچه: «تورت باله‌م بار، ایکی قیز و ایکی اوغیل. وقفه قویدیم، اوچ باله‌م سوت‌مه-سوت توغیلدی و کیین لوپ تشله‌تدیم، اوچ ییل‌دن کیین اونی اوزاق قیلدیم که اوندن کیین تورتینچی باله‌م توغیلدی. حاضر ینه ایکی پیچکاری قیلدیردیم، کیین اوندن هم قوللنمه‌دیم. حاضر باله‌م بار و باله‌م نینگ باشی‌ده سووی بار. پیچکاری بیلن یخشی ایمس ایدیم؛ بیراق لوپ بیلن یخشی ایدیم. پیچکاری قیلگنیم‌ده اعصاب قیین‌چیلیگی تاپدیم، باله‌لریم نی کوپ کلتکله‌یدیم، کم‌حوصله بولگن ایدیم و تورموش اورتاغیم بیلن باله‌لریم سیسی‌دن بدیم کیله‌ر ایدی.»
۱۰ باله‌سی بولگن سایره نینگ ایتیشیچه، حامله‌دارلیک آلدینی آلیش اسلوبلری اونینگ بیل آغریق بولیشی گه سبب بولگن. «اوندن اوچ یا-ده تورت آی اوتگنی‌دن کیین بیل آغریق بولدیم و کیین قوللنمه‌دیم.»
بیزلرنینگ «ایکس» ترماغی ده هم تعقیب قیلینگ!
بیش ییل حامله‌دارلیککه قرشی تابلیت‌لردن قوللنگن اسما نینگ ایتیشیچه، قتیق باش آغریق و کوپینچه وزن آلیش گه چلینگن. «حامله‌دارلیککه قرشی تابلیت‌لردن قوللندیم و سیمریدیم، باش آغریق تاپدیم. باشیم یوق کبی حس قیله‌ر ایدیم و کوپ قیین شکلده باشیم آغریدی، چونکه حامله‌دارلیککه قرشی و وقفه‌یی تابلیت‌لردن بیش ییل قوللندیم.»
شونینگدیک حامله‌دارلیککه قرشی تابلیت‌لردن قوللنگن حمیده و سلما نینگ ایتیشلریچه، اولر مذکور تابلیت‌لردن قوللنگنلری چاغیده، تورلی‌خیل ساغلیق قیین‌چیلیکلر جمله‌دن کوپینچه وزن بیلن قتیق کمحوصلهلیک بیلن روپه‌ره بولگنلر.
حمیده نینگ ایتیشیچه: «مین اوزیم ایکی یا-ده کوپراق ییل حامله‌دارلیککه قرشی تابلیت‌لردن قوللندیم و وزنم کوپه‌یدی. مذکور ایکی ییل جریانیده بیراز باش آغریغیم بار ایدی. هیچ حوصله‌م قالمه‌یدی. سببی نی بیلمه‌یمن و حاضر ایسه قوللنمه‌یمن.»
شونینگدیک سلما نینگ ایتیشیچه: «۱۰ ییل آلدین خوشی تابلیت‌لریدن قوللنه‌ر ایدیم؛ مینی کوپ سیمریتتی و وزنم نی کوپه‌یتیرگن ایدی. شو رقم کوپ غضب‌لنه‌ر ایدیم.»
شونینگدیک توغیش اورتهسیده وقفه قوییش اوچون آلتی آی پیچکاری‌دن قوللنگن زینب نینگ ایتیشیچه: «آلتی آی پیچکاری‌دن قوللندیم که هم سیمریم و هم باش آغریق تاپدیم. شو رقم بی‌حال هم ایدیم، کیین ایسه تابلیت‌دن قوللندیم که قیغو بیلن هم بولمه‌دی و بیحد سیمریدیم. قریب ۲ آی یا-ده کوپراق قوللندیم و قیته توخته‌تدیم و حاضر قریب آلتی ییل بوله‌دی که هیچ نرسه‌دن قوللنمه‌یمن.»
شونده‌ی بیرحالده، نسایی-ولادی شفاکارلری توغیشلر اورتهسیده وقفه‌یی اسلوبلرنی اونلی دیب بیراق ایتیشلریچه، حامله‌دارلیک آلدی آلینیشی اوچون بولگن اسلوبلر عیاللر گه ساغلیق قیین‌چیلیک نی اورته گه کیلتیره آله‌دی.
کابل ده ملالی کسل‌خانه‌سیده‌گی نسایی-ولادی شفاکارلریدن نجوا فضل نینگ ایتیشیچه، حامله‌دارلیککه قرشی تابلیت‌لر، عیاللر گه ساغلیق قیین‌چیلیکلر یره‌تیشی ممکن؛ بیراق بو دارولر شفاکارلر مصلحتی بیلن قوللنیلگنی‌ده، بیراز ساغلیق قیین‌چیلیکلر آلدینی آلیشی ممکن.
اونینگ کوپه‌یتیریشیچه: «توغیشلر اورتهسیده وقفه اوچون قوللنه‌دیگن حامله‌دارلیک تابلیت‌لری، تورلی هورمون‌لری بولگن تابلیت‌لریدن دیر و مذکور هورمون‌لر اوزی بیر بیر شکلده انسان یانده‌شووی گه تاثیر قیله‌دی؛ بیراق نسایی-ولادی متخصص شفاکارلری بیلن مصلحت قیلیش، بو قیین‌چیلیک نی بیراز حل قیله آله‌دی و کسل نینگ قیین‌چیلیکلری و نشانه‌لری، کسل نینگ ظاهری شکلی گه قره‌ب قرار آلینه‌دی که قیسی دارو‌دن قوللنسه.»
بیزلرنینگ فیسبوک صحیفه‌میزگه باش اورینگ!
شونینگدیک نسایی-ولادی شفاکارلریدن باشقه بیری عابده رها نینگ ایتیشیچه، حامله‌دارلیک آلدی آلینیشی اوچون بولگن اسلوبلر، یانده‌شوولرده تغییرلر، جلد ده تغییر، قان کیتیش، کوپینچه وزن آلیش و باش آغریققه سبب بوله‌دی. «هورمونی اسلوبلر نینگ قیین‌چیلیکری هم بار، کسل نینگ بورنی‌ده لکه تاپیله‌دی که عادی بو نرسه، قتیق شکلده قان کیتیش تاپه‌دی، یانده‌شووی‌ده بیراز تغییر کیله‌دی یعنی تابلیت و پیچکاری نی آلگنیم‌ده غضب‌لنه‌من دیه‌دی. بیراز غضب‌لنه‌دیلر و کوپه‌یگنی‌ده، شفاکار گه باریشلری کیره‌ک و آز بولگنی‌ده تشویش قیلیش گه نیاز ایمس.»
افغان عایله‌لر رهنمالیگی انجمنی‌ده ملالی کسل‌خانه قابله‌سی مدینه ایوبی نینگ ایتیشیچه، حامله‌دارلیک آلدی آلینیشی اسلوبلریدن قوللنیش‌دن آلدین، عیاللر بیلن مصلحت بوله‌دی و کیین ایسته تطبیق بوله‌دی. «مصلحت بیریشیمیز پیتده کسللردن باش آغریغینگ بار می یا-ده باشقه قیین‌چیلیگ بار می دیب سوره‌یمیز. او تنله‌گنی اسلوب خصوصیده‌گی قیین‌‌چیلیکلرنی اونگه ایته‌میز. شو رقم باشقه اسلوبلر خصوصیده هم معلومات بیره‌میز که کسل نینگ اوزی قیسی نی قبول قیلسه. هر نرسه نی قبول قیلسه کیین ینه بیراز معلومات بیره‌میز که بیلسین که بو وجودیم‌ده بار و کیین اونگه مصلحت بیرمه‌یمیز.»
شونینگدیک ملالی کسل‌خانه‌سیده افغان عایله‌لر رهنمالیگی انجمنی کلینیگی آمری مریم نینگ ایتیشیچه، کونده قریب ۶۰ عیال وقفه توغیش وحامله‌دارلیک آلدی آلینیشی اوچون بو کسل‌خانه انجمنی گه مراجعت قیله‌دیلر.
عین حالده، ملالی کسل‌خانه‌سی باشلیغی ملالی‌رحیم فیضی نینگ سلام‌وطندار گه ایتیشیچه، بیر آی ایچیده آگاهی‌لیک بیریش مقصد ۳۰۰۰دن آرتیق عیال بیلن مصلحت قیلگن. «مکمل بیر آی‌ده ۳۱۵۱ عیال بیلن مصلحت قیلدیم. ۱۵۴۲ کیشی تابلیت قوللنگن، ۱۷۱ کیشی کپسول‌دن قوللنگن و ۴۴ کیشی لوپ‌دن قوللنگن و ۱۹۳۸ کیشی کاندوم‌دن قوللنگن. ۱۷۴۷ کیشی گه توغیش‌دن کیین مصلحت قیلدیک و ییل‌لیک آماریمیز یوق.»
بولر گه علاوه، نسایی-ولادی شفاکارلر و متخصصلر نینگ ایشانچی گه کوره، عیاللر توغیشلری اورتهسیده وقفه قوییشلری اوچون تورلی‌خیل وقفه قوییش اسلوبلریدن قوللنیش‌دن آلدین، مصلحت قیلیش اوچون عایله‌لر رهنمالیگی انجمنلری گه بارسینلر.