اسلام امیرلیگی عالی محکمه باشلیغی عبدالحکیم حقانی، دوشنبه کونی، ۲۷ سنبله، ایکس ترماغی ده، اسلام امیرلیگی اساسی قانونی ترتیب بیریله‌یاتگنینی معلوم قیلگن.
اونگه کوره: «مملکت عالی محکمه باشلیغی شیخ عبدالحکیم حقانی ییتکچیلگیده، اسلام امیرلیگی اساسی قانون‌نی ترتیب بیرماقده‌لر.»
اسلام امیرلیگی سوزلاوچیسی ذبیح‌الله مجاهد، اسلام امیرلیگی اساسی قانونی ده افغانستان نینگ سیاسی و حقوقی توزومی، یشاوچیلر نینگ حقوقی قنده‌ی‌لیگی حقیده ایضاح کیریتمسه ده، بیراق ینگی اساسی قانون ده تنلنه‌دیگن توزوم اسلامی بولیب و اسلام دینی قاعده‌لری اساسیده تعریف بولیشینی ایتگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «حکومت سرپرست‌لیک دن چیقیشی اوچون اساسی قانون ترتیب بیریلیشی گه قرار قیلینگن و ایشی باشلنگن، برچه اصلاح بولیب و افغانستان منفعتی تضمین بولیشی اوچون حاضر تورلی اداره‌لر نینگ قاعده‌لری اوستیده ایشلنماقده دیر.»
باشقه تاماندن، حقوق‌دانلردن بیرقطاری نینگ ایتیشلریچه، دولت نینگ صلاحیت‌لری و یشاوچیلر نینگ مجبوریت‌لری بیللی بولیشی اوچون، اساسی قانون تیزلیک بیلن ترتیب بیریلیشی کیره‌ک.
حقوقی ایش بیلرمان نورآغا شعیب گه کوره، قانون یوق‌لیگی، جمعیت ده ترتیب‌سیزلیککه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «اساسی قانون ملی میثاق دیر، دولت اولکه یشاوچیلری نینگ ایشلری گه قنچه‌لیک اره‌لشیش گه حقی بارلیگی و نیمه ایش قیلیشنی بیله‌دی، هر بیر قوه نینگ وظیفه‌لرینی قانون بیلگیله‌یدی، یشاوچیلر و حتا خارجی‌لر صلاحیت و مجبوریت‌لرینی بیلیشه‌دی و دولت هم اوز مجبوریت‌لرینی درک قیله‌دی.»
اسلام امیرلیگی حاکمیتیدن کیین، افغانستان نینگ ۱۳۸۲ مصوبه اساسی قانونی، اسلام امیرلیگی تامانیدن بیکار قیلیندی و اسلام امیرلیگی ایکی ییل دن بویان اساسی قانون یوق‌لیگیده حکومت‌لری گه دوام بیرماقده ایکن، اسلام امیرلیگی عالی محکمه‌سی ینگی قانون ترتیب بیریله‌یاتگنینی معلوم قیلگن.