اسلام امیرلیگی باش وزیری نینگ اقتصادی اورین باسری عبدالغنی برادر بوگون (یک‌شنبه، ۱دلو)، کابل ده مطبوعاتی ییغیلیش ده، اسلام امیرلیگی رهبری هبت‌الله آخوندزاده نینگ بویروغی بیلن مملکت ده دولتی شرکت‌لرنی ترتیب گه سالیش اوچون مستقل بیر اداره توزه‌تیلیشینی معلوم قیلدی.
او نینگ کوپه‌یتیریشیچه، دولتی شرکت‌لر نینگ ترقیاتی و سالم رقابت زمینه‌سی یره‌تیلیشی اوچون بو اداره نی قوریش گه قرار قیلگنلر.
اونگه کوره: «مستقل اداره اسلام امیرلیگی رهبری بویروغی اساسیده قوریله‌دی و بو ایش تدبیرلی بیر قرار دیر و مسئولیتی حاضر یکونلنمه‌یدی بلکه رهبریتیده مسلکی کیشی تعیینلنگن حالده تاثیرچن‌لیگی بیللی بوله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، اوشبو ییغیلیش ده قتنشگن دولتی شرکت‌لر رهبرلیک هیئت مسئوللری نینگ ایتیشلریچه، دولتی شرکت‌لرنی ترتیب گه سالیش اوچون مستقل اداره قوریلیشی، سالم رقابت زمینه‌سینی یره‌تیب و احتکار آلدی آلینه‌دی.
دولتی شرکت‌لر رهبریتی هیئت باشلیغی احمد جان بلال گه کوره، بو اداره کیله‌سی آلتی آی‌گچه قوریلیشی ممکن.
او نینگ ایتیشیچه: «دولتی شرکت اقتصادی ترقیات و خودکفالیک همده یشاوچیلر گه خذمت کورسه‌تیش و ملی بودجه نی قوللب-قوتلش ده رولی مهم دیر.»
باشقه تاماندن، مذکور ییغیلیش ده اقتصاد وزیرلیگی مسئوللری نینگ ایتیشلریچه، دولتی شرکت‌لر نی ترتیب گه سالیش اوچون مستقل اداره قوریلیشی، دولتی تورلی اداره‌لر آره‌سیده‌گی اره‌لشوو نینگ آلدینی آله‌دی.
بیزلرنینگ «ایکس» ترماغی ده هم تعقیب قیلینگ!
اقتصاد وزیرلیگی مسلکی معینی عبداللطیف نظری گه کوره: «واحد، مستقل، کوچلی، شفاف و جوابگر اداره قوریلیشی و برچه شرکت‌لر مستقل اداره قاعده‌لری اساسیده عمل قیلیشی جدی نیاز دیر.»
ایتیش کیره‌ک، حاضر دولتی شرکت‌لر رهبرلیک هیئتی مالیه وزیرلیگی نینگ قاعده‌لری اساسیده عمل قیله‌دی، اسلام امیرلیگی رهبری نینگ بویروغیدن کیین اونی اوچون مستقل بیر اداره قوریلیشی ممکن.
مالیه وزیرلیگی مسئوللری نینگ ایتیشلریچه، عامه گه خذمت کورسه‌تیش، یاغ ایشلب چیقریش، پخته و باشقه ایکینچیلیک محصولات نی پروسس قیلیش ساحه‌سیده ۱۵ میلیارد دالرلیک ۴۳ دولتی شرکت فعالیت قیلماقده دیر.