افغانستان ده اسلامی امارت سرپرست حکومتی ایکینچی مراتبه قدرت نی قولگه آلیشیدن بیر ییل دن کوپ اوتسه ده، بیراق اوشبو حکومت حاضرگه قدر دنیا همجمعیت تامانیدن رسمیت گه تانیلمه‌گن.
اوتگن بیر ییل ده افغانستان خلقی سان_سناق‌سیز تورلی خیل قیینچیلیکلر بیلن روپه‌ره ایدی و اوشبو مدت ده مملکت اینگ بحرانلی کونلرنی باش دن کیچیردی.
شو بیلن بیرگه، اوتگن بیر ییل جریانیده اسلامی امارت نینگ ایشلریدن خواطر بیلدیریلیب و هردایم ایشلریدن تنقید بولگن.
اسلامی امارت رسمی‌لری مذکور حکومت نینگ ایشلری گه دایر تنقیدلر گه جواب ایتیشیچه، تشقی مملکت‌لر افغانستان نینگ ایچکی ایشلری گه اره‌لشمسلیگی کیره‌ک.
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن اسلامی امارت سرپرست حکومتی سوزلاوچیسی نینگ اورین باسری بلال کریمی گه کوره، خارجی مملکت‌لر نینگ افغانستان اوستیگه بولگن باسیمی باعث، مملکت انقراضلی وضعیت گه قرار تاپگن.
اونینگ ایتیشیچه: «افغانستان مستقل بیر مملکت دیر، شونی اوچون ایچکی ایشلریمیزنی افغان‌لر اوزی حل قیلیب، ملی و معنوی ارزش‌لرینی اوزلری حفاظت قیلیش‌لری کیره‌ک، بیز باشقه‌لر نینگ ایشلری گه اره‌لشمسلیگیمیز کبی اولر هم بیزنی ایچکی ایشلریمیز گه اره‌لشمه‌سینلر.»
اسلامی امارت سرپرست حکومتی رسمی‌لری گه کوره، باشقه مملکت‌لر گه سفر قیلگن حالده اولر رسمی شکلده کوتیب آلینه‌دیلر؛ بیراق حاضرگه قدر اوشبو حکومت هیچ بیر ساحه ده دنیا همجمعیت نینگ قانیقتیره آلمه‌گن.
بیرقطار ایش بیلرمان‌لر نینگ ایتیشلریچه، اوتگن بیر ییل ده اسلامی امارت سرپرست حکومتی، حاضرگی وضعیت گه بناً اهالی نینگ خواهش_اراده‌سیگه ماس ایش قیله آلمه‌گن.
اولر گه کوره، اسلامی امارت نینگ سیاستی و حاضرگی ایشلری شونده‌ی دوام ایتگن تقدیرده، افغانستان خلقی نینگ وضعیتی اوستیگه سلبی تأثیر قیلیشی ممکن.
سیاسی ایش بیلرمان‌لردن عزیز معارج و طارق فرهادی نینگ ایتیشلریچه:
سیاسی ایش بیلرمان عزیز معارج نینگ ایتیشیچه: «اسلامی امارت اوتگن بیر ییل ده ایریم چیکلاولر بیلن، قطار ییغین‌لرده اشتراک ایتدیلر، تأسف بیلن تشقی مملکت‌لر بیلن دیپلوماسی و تعامل قیلیش گه ناکام قالگنلر، حتا افغانستان گه یاردم‌لرنی جلب قیله آلمه‌دیلر.»
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری طارق فرهادی گه کوره: «افغانستان نینگ حاضرگی حکومتی دنیا جماعه‌چیلیگی آلدیده اوز اعتبارینی قولدن بیرگن، بوندن کیین بیرگن وعده‌لری گه ایشانمه‌یدیلر و تأسف بیلن بو وضعیت افغانستان خلقی نینگ اوستیگه سلبی تأثیر قیله‌دی.»
دنیا همجمعیت افغانستان حکومتی دن بشری حقوق‌نی رعایت قیلیب و همه شمول حکومت تشکیل ایتیشینی سوره‌گن؛ لیکن دنیا همجمعیت اوشبو خواست‌لری اسلامی امارت تامانیدن عملی بولمسلیگیدن هردایم تنقید ایتگن.