اسلام امیرلیگی ملی مدافعه وزیرلیگی سرپرستی محمدیعقوب مجاهد، اوتگن کون اوزبیکستان استخبارات و چیگره‌لر باشلیغی عبدالسلام عزیزاوف و بیرگه هیئتی بیلن ایکی مملکت چیگره‌لری خوفسیزلیگی، ایکی تامانلمه مناسبت‌لر مستحکم‌لنیشی، اقتصادی و ترانزیتی همکارلیک و باشقه مسئله‌لر حقیده بحث ایتگنلر.
بیزلرنینگ فیسبوک صحیفه‌میزگه باش اورینگ!
ملی مدافعه وزیرلیگی ۱۱-دلو، چهارشنبه کونی، ایکس اجتماعی ترماغی ده، محمدیعقوب مجاهد اوشبو اوچره‌شوو ده تورلی ساحه‌لرده مسلمان و قوشنی ایکی مملکت نینگ مناسبتی مستحکم‌لنیشی اوستیگه تاکید ایتگنینی یازگن. مجاهد جنابلری گه کوره: «سونگی ییل ده چیگره‌لر خوفسیزلیگی اوچون کوپ ایشلرنی بجردیک و مملکت چیگره‌لری خوفسیزلیگی اوچون کیله‌جک ده اساسی ایشلرنی بجریش گه قرارلی میز.»
مدافعه وزیرلیگی گه کوره، مذکور وزیرلیک سرپرستی اوزبیکستان استخبارات و چیگره‌لر باشلیغی گه، اسلام امیرلیگی نینگ دفاعی و خوفسیزلیک کوچلری تورلی ساحه‌لر اینیقسه سرمایه یاتقیزیش و ترقیاتی لایحه‌لرنی عملگه آشیریش خصوصیده مملکت‌لر اینیقسه قوشنی اولکه‌لر بیلن همکارلیک قیلیش گه تیارلیگیدن ایشانچ بیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک، اوزبیکستان هیئتی اسلام امیرلیگی بیلن مناسبت‌لرینی کوچه‌یتیریش و بو مملکت تورلی ساحه‌لرده افغانستان خلقی بیلن همکارلیک‌لری گه دوام بیریش دن ایشانچ بیرگن.
