تخار ولایتیده ایشلب چیقریلگن عسل‌لر تورکیه، چین و دوبی کبی مملکت‌لر نینگ طبی سیناولری (لابراتوار) ده، صفت و تاتلی لحاظ دن بیرینچی اوریننی ایگللهگن. تخار اری‌چیلیک اویوشمه‌سی، اوشبو ییل قطار مملکت‌لر آره‌سیده محصولات‌لری بیرینچی اوریننی ایگلله‌گنیدن خورسندلیک قیله‌دیلر.
تخار ده اری‌چیلیک اویوشمه باشلیغی بشیراحمد سنقر نینگ سلام‌وطندار گه ایتیشیچه: «قطار مملکت‌لر گه یوباریلیب بیرینچی اوریننی ایگللهگن عسل‌لریمیز طبیعی و خالص عسل دیر و قول اوریلمه‌گن، مثال اوچون بدخشان تاغ‌لریده باردیک، اوییرده‌گی گل‌لر باشقه اولکه‌لر گه یوق دیر جمبیلک و باشقه گل‌لر بولر باشقه مملکت‌لرده آز تاپیله‌دی.»
باشقه تاماندن اوشبو ولایتده‌گی اری‌چیلردن بیرقطاری، مملکتده عسل بازاری یوق‌لیگی و محصولات‌لرینی یخشی نرخ ده ساته آلمسلیکلریدن شکایت قیله‌دیلر.
بیزلرنینگ فیسبوک صحیفه‌میزگه باش اورینگ!
اری‌چیلردن عبدالقدوس نینگ ایتیشیچه: «دستلب عسل تولیدی اوچون اوچ صندیغ اری دن باشله‌دیم، بو ییل ایکینچی ییل دیر ۱۰۰ کیلو عسل آلدیم، طبیعی و ۱۰۰ فایز خالص دیر؛ بیراق تأسف بیلن حاضرگچه ساته آلگنیم یوق، چونکه بازار یوق.»
شونینگدیک مذکور اری‌چیلر نینگ ایتیشلریچه، قیش موسومیده اری‌لرینی اسره‌ش اوچون ییترلی امکانیت‌لری یوق‌لیگیدن نالیدیلر.
تخار ده محلی اری‌چیلردن عبدالجلیل نینگ سلام‌وطندار گه ایتیشیچه: «زنبورلریمیز میدانده، دولت دن بیز گه دقت قیلیب و محصولاتیمیزنی آزراق بها بیلن ساتیب آلیشینی ایسته‌یمیز، مجبور قالگن‌میز و قیلگن مصرف‌لریمیزنی پوره قیله آلمه‌ی‌میز.»
بیزلرنینگ توییترده هم تعقیب قیلینگ!
عین‌حالده، تخار ایکینیچلیک و چاروه‌چیلیک ریاست سرپرستی محمدیعقوب، استندرد شکلده خارج گه عسل صادر قیلیش اوچون سعی و حرکت قیله یاتگن‌لریدن ایشانچ بیلدیره‌دی.
تخار ایکینچیلیک ریاستی نینگ معلوماتی اساسیده، اوشبو ییل تخار ده ۷۰ تُن عسل ایشلب چیقریلگن.
تخار ده ۱۳۸۵_ییل ده اری‌چیلیک رونق تاپدی، حاضرگچه تخار ولایتی بویلب ۹ انجمن ده ۵۰۰ اری‌چی فعالیت قیلماقده.