معارف وزیرلیگی بوگون مملکت بویلب اون ایکینچی صنف قیز اوقووچیلری گه ارتقا بیریلیش سیناوی نی یولگه قوییگن.
بیراق معارف ایش بیلرمان‌لریدن قطاری بو کبی سیناو نینگ یولگه قوییلگنیدن تنقید‌لب و ایتیش‌لریچه، بو کبی سیناولر نینگ یولگه قوییلیشی اوقووجیلر نینگ سعی حرکت قیلیشی خصوصیده سلبی تاثیر قویه‌دی.
سابق حکومت‌ده معارف وزیرلیگی اورین‌باسری صدیق پتمن نینگ ایتیشیچه: «بو کبی سیناولر نینگ یولگه قوییلیشی مملکت معارف جماعه‌سی اوچون زیان ییتیشتیره‌دی و اوقووچیلر نی تعلیم خصوصیده ناامید قیله‌دی و مملکت‌ده تعلیم کیفیتی نی قویی کیلتیره‌دی. اسلام امیر‌لیگی مکتب‌لر نی اوقووچیلر یوزی گه آچیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوقیووچیلر هم مکتب‌لری نینگ آچیلیشی اوچون تاکید قیلیب و ایتگنلر که، اولر ارتقا بیریلیش نی ایستمه‌یدیلر؛ بلکیم تعلیم حقی نی ایسته‌یدیلر.
اون ایکینچی صنف اوقووچیلریدن بیری سیما نینگ ایتیشیچه: «ایکی ییل‌دن بیری بیزلر ارتقا بیریله‌میز و قیزلر گه تعلیم بیریلیش زمینه‌سی یره‌تیلیشی کیره‌ک ایدی؛ بیراق بیریلمه‌دی و اسلامی امارت‌دن آلتینچی صنف‌دن یوقاری قیزلر اوچون تعلیم زمینه‌سی یره‌تیلیشی نی ایسته‌گن.»
باشقه بیر تامان‌دن، اون ایکینچی صنف اوقووچیسی بولمیش مریم نینگ ایتیشیچه، بوگون اونینگ توی مراسمی ایکن و او اوشبو سیناو نی اوتکزیش اوچون بیر ییل‌دن کیین قورقوو بیلن مکتب گه کیلگن.
اونینگ کوپه‌یتیریشیچه: «بوگون مهمان‌لر هوتل‌ده و توی مراسمیم یولگه قوییلگن. بوگون توش‌دن کیین توی مراسمیم کابل ده یولگه قوییلگن؛ بیراق توییم‌دن آلدین مکتب گه کیلیب سیناو گه اشتراک قیلدیم که آرزو‌لریم‌دن بیری ایدی.»
مریم نینگ آته‌سی شیرمحمد نینگ ایتیشیچه، قیزی درسی نینگ دوام بیریشی اوچون اوندن حمایت قیله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «بوگون توش‌ده قیزیم نینگ تویی و او سیناوی نی اوتکزیش اوچون مکتب گه کیتیردیم و اوندن حمایت قیله‌من.»
اوقووچیلردن قطاری نینگ ایتیش‌لریچه، اون ایکینچی صنف نینگ سیناوی ۱۴ کتاب‌دم ۱۴۰ سوراق‌ده درست و غلط، تورت جوابه و خانه خالی شکلده توزه‌تیلگن دیر.
بوندن آلدین معارف وزیرلیگی نیچه مرته آلتینچی صنف قیز اوقووچیلر مکتب‌لری نینگ آچیلیشی‌دن خبر بیرگن؛ بیراق حاضرگچه آلتینچی صنف‌دن یوقاری قیز مکتب‌لر نینگ آچیلیشی هیچ معلوم ایمس.