اسلامی امارت کابینه‌سی نینگ قراری اساسیده، مالیاتی و غیر مالیاتی درآمد یالغیز بانک‌لر آرقه‌لی توپله‌نیب و هیچ بیر اداره درآمدینی صرفلش‌گه حقی یوق دیر.
اوشبو قرار اوتگن کونی اسلامی امارت باش وزیری نینگ ایکینچی اورین باسری عبدالسلام حنفی ییتکچیلیگیده اسلامی امارت کابینه‌سی نینگ ۲۱-ییغینیده آلینگن.
بو ییغینده شونینگدیک جلال‌آباد-پشاور و قندهار-کویته قتناو یولیده یولاووچی بس‌لر باریب کیلیشی تصدیقله‌نیب و اوشبو جریان‌نی قالگن مرحله‌لرینی بیتتیریش اوچون باغلیق اداره‌لرگه بویروغ بیریلگن.
بیزلرنینگ فیسبوک صحیفه‌میزگه باش اورینگ!
اسلامی امارت کابینه‌سی شهیدلر و ناگران‌لر وزیرلیگی گه، سابق دولت نینگ ناگران حربی‌لری، فلج و ایتیم‌لرگه یاردم بیریش مقصدیده ریجه تیارلش‌گه بویروغ بیرگن.
شونینگدیک اسلامی امارت ایکینچیلیک و چارواچیلیک وزیرلیگی نینگ رهبریتیده بیر هیأت، ایکینچیلیک ساحه سیده خارجی سرمایه یاتقیزووچیلرگه زمین‌نی انیقلب و اوز تیکشیرولرینی کابینه‌گه شریک قیلیش اوچون تعینلنگن.
بیزلرنینگ فیسبوک صحیفه‌میزگه باش اورینگ!
عین‌حالده بوندن آلدین، اسلامی امارت حکومتی باش وزیری نینگ ایکینچی اورین باسری، سالیق توپلش هفته‌سی مناسبتی بیلن اوتکزیلگن ییغینده، سالیق شفاف روشده ییغیلیشی اوستیگه تاکیدلب ایتیشیچه، اسلامی امارت حکومتی توپلنگن سالیق لردن بیر افغانی‌نی بیهوده صرفلمه‌ی و اوشبو پول‌لر اقتصادی ترقیات و جماعه ده‌گی نیازمندلیکلر حلی اوچون صرفلنه‌دی.