بوگون ژورنالیست‌لر نینگ ایشلریدن تقدیرلش مقصدیده «افغاستان ژورنالیست‌لر ملی اویی» تامانیدن کابل ده یولگه قوییلگن مراسمده، قطار خبرچی‌لر و میدیالر، اخبارات گه قول تاپیش چیکلاوی دن شکایت قیلماقده‌لر.
خبرچی‌لر نینگ ایتیشلریچه، مملکتده میدیالرنی قوللب_قوتلش گه دایر اسلام امیرلیگی نینگ وعده‌لری بیلن، سوز ایرکین‌لیگی و ژورنالیست‌لردن حمایت ایتیش اوچون هلیگچه هیچ بیر عملی ایش بولمه‌گن.
خبرچی‌لردن شیرینه محمدی نینگ ایتیشیچه: «حاضرگی نظام ده، خبرچی‌لر اینیقسه عیال خبرچی‌لر گه قرشی کوپ چیکلاولر یره‌تیلگن. اویله‌شیمچه نظام اوزگرسه ایریم قیینچیلیکلر تاپیله‌دی، بو قیینچیلیکلر زمان اوتیشی بیلن حل ایتیلیشی گه امید بیلدیره‌من.»
بیزلرنینگ فیسبوک صحیفه‌میزگه باش اورینگ!
افغانستان خبرچی‌لر ملی اویی باشلیغی گه کوره: «اسلام امیرلیگی بیرگن وعده‌لرینی عملی قیلیشی کیره‌ک. عملی بولمه‌گن حالده، اولر بیلن گپیریش مسئولیتیمیز دیر، اسلام امیرلیگی خبرچی‌لر برابریده بولگن مسئولیتینی ادا قیلیشی کیره‌ک.»
اسلام امیرلیگی مسئوللری، یینه بیر مراتبه اولکه بویلب میدیالر فعالیتی گه کوپراق زمینه یره‌تیش اوچون سعی و حرکت قیله‌‍یاتگنلریدن ایشانچ بیلدیریشه‌دی.
معلومات و مدنیت وزیرلیگی نینگ نشراتی معینی حیات‌الله مهاجر فراهی نینگ کوپه‌یتریشیچه: «اسلام امیرلیگی میدیالر بیلن ضد بولیشنی ایستمه‌یدی؛ بلکه ییچیم یول قیدیره‌دی. بیز میدیالر گه چیکلاو یره‌تیب و سانسور قیلیشنی ایستمه‌یمیز.»
ایچکی ایشلر وزیرلیگی سوزلاوچیسی نینگ اورین باسری عبدالله حبیب نینگ ایتیشیچه: «پولیس و خبرچی‌لر آره‌سیده اویغون‌لیکنی مستحکملش اوچون کتته ریجه‌لریمیز بار.»
بیزلرنینگ توییترده هم تعقیب قیلینگ!
اسلام امیرلیگی حاکمیت گه ایریشگندن بویان، اخبارات گه قول تاپیش کمیسیونی نینگ فعالیتی توخته‌ب و ژورنالیست‌لر نینگ اخبارات گه قول تاپیشی گه چیکلاو یره‌تیلگن.
نیچه آی دن بویان شکایت‌لرنی تینگلش و میدیالر تخطی‌لرینی تیکشیریش کمیسیون شکللنیشیدن اوتسه ده، بیراق اوشبو فعالیت‌لر ژورنایست‌لر نینگ قیینچیلیکلرینی حل ایته آلمه‌گن.
ایتیش کیره‌ک که، سونگی کونلرده افغانستانده بیرقطار ییتکیرمه‌لر نینگ نشراتی، اسلام امیرلیگی تامانیدن توخته‌تیلگن.