طالبان هجومی شدت‌لنگنی و بیرقطار تومن‌لرنی اوشبو گروه قولیگه سقوط قیلگنی باعث، یشاوچی‌لر حکومت نینگ اوروش میدان‌لریگه کوچ‌سیز مدیریتی‌دن تنقید قیلگنلر.
یشاوچی‌لردن بیرقطاری حکومت نینگ ایش‌سیزلیگی‌دن تنقید قیلیب ایتیش‌لریچه، جمهورلیک ریاستی و امنیتی نهادلر مسوول‌لرینی حاضرگی وضعیتدن چیقیش اوچون هیچ‌قنده‌ی برنامه‌سی یوق.
حکومت‌گه قرشی اهالی نینگ غضبی ینگی مسله ایمس، لیکن سونگی پیت‌لرده بیرقطار تومن‌لرنی سقوط قیلیشی و امنیتی وضعیت یمان بولگنی جمهورلیک ریاستی محبوبیتیدن کمه‌یتیرگن.
سونگی مورد ده جمهورلیک ریاستی آنه‌لر ایامی‌دن نشان‌لگن و بوتوغریده یولگه قوییلگن برنامه‌ده تینچ جماعه شکل آلیشی اوچون آنه‌لر نقشی اونملی بولگنی خصوصیده صحبت اوتکزیلگن.
مملکت بیرینچی بانوسی رولا غنی آنه‌لر ایامی مناسبتی‌ده بیر ویدیویی پیام نشر قیلیب آنه‌لر ایامی‌نی مملکت آنه‌لری اینیقسه فرزندلرینی اوروش میدان‌لریده قولدن بیرگن آنه‌لرگه تبریک‌لگن.
بیراق، رولا غنی نینگ پیامی اجتماعی ترماقلر فعال‌لری نینگ جدی واکنش‌لری بیلن روپه‌ره بولگن. اجتماعی ترماقلر فعاللریدن بیرقطاری نینگ یازیش‌لریچه، حکومت نینگ مدیریت‌سیزلیگی سبب، کون اوتیش بیلن تومن‌لر سقوط قیلیب و کوپ‌قطار آنه‌لر داغدار بولماقده دیر و بونده‌ی پیام‌لر هیچ‌بیر دردنی درمان‌لمه‌یدی.
اجتماعی ترماقلر فعال‌لری نینگ ایتیش‌لریچه، هرکون تومن‌لر طالبان قولیگه سقوط قیله‌دی و جمهورلیک ریاستی‌نی تبریکی پیام نشر قیلگنی اورنیده امنیتی وضعیت‌ده تمرکز قیلیشی کیره‌ک.
اجتماعی ترماقلر فعاللریدن بیری توفیق نینگ یازیشیچه: «تومن‌لر شبهه‌لی بیر پالیسی اساسیگه دشمن منفعتی‌گه تخلیه قیلینه‌دی، یاش‌لر گروه گروه قربانگاه‌گه یوباریله‌دی و حربی تجهیزات‌لر دشمن‌گه تاپشیریله‌دی، جناب غنی نینگ حامی‌لری اونینگ خصوصیده شعار بیریب اهالی‌دن بوتوغریده جیم توریش‌لرینی ایسته‌یدیلر. قیغو بیلن بیرقطار کیشی‌لر آگانه و باشقه بیرقطاری تملق بیلن حکومت نینگ کفایت‌سیزلیگی، مسوولیت سیزلیگی و ناکام‌لیگی‌نی یاشیریش اوچون اهالی‌نی جیم توریش‌گه چقیره‌دیلر.»
اجتماعی فعاللردن باشقه بیری مظفر مظهر نینگ اوشبو پست اداغی‌گه جمهورلیک ریاستی و جمهور رییس‌گه خطاب یازیشیچه، هر تومن نینگ سقوط قیلیشی بیلن یوزلرچه عایله آواره بولیب و اونلرچه آنه فرزندلرینی قولدن بیره‌دیلر.
جمهورلیک ریاستی بیرینچی اورین باسری امرالله صالح نینگ دولت تنقیدچی‌لرینی «کنایه‌یازیش» گه عیب و اولرنی «محافظه کار» عنوان قیلگنلر.
جمهورلیک ریاستی سوزلاوچی‌لری یشاوچی‌لرنینگ انتقادلری خصوصیده جواب قیتریش‌گه حاضر بولمه‌گنلر؛ بیراق جمهورلیک ریاستی بیرینچی اورین باسری امرالله صالح نینگ دولت تنقیدچی‌لرینی کنایه یازیش‌گه عیب‌لب و اولرنی محافظه کار عنوان قیلگن.
جناب صالح نینگ یشاوچی‌لر انتقادلریگه قرشی یازیشیچه: «توپراق و اهالی دشمن‌نی بیللی. توپراق و اهالی مدافعه‌چی‌لری یانیده توخته‌ش باتورلیک دیر. محافظه کارلر بونده‌ی بیر شرایط ده کنایه یازه‌دیلر و انتقاد قیله‌دیلر. انتخاب سیزلرگه.»
جمهورلیک ریاستی بیرینچی اورین باسری نینگ بیاناتلری هم جواب‌سیز قالمه‌گن. اجتماعی ترماقلر فعاللریدن بیرقطاری جناب صالح نینگ بیانات‌لریگه عکس‌العمل کورستگن.