افغانستان ده بیرلشگن ملتلر تشکیلاتی نینگ آزیق-آوقت دستوری، افغانستان ده کوپ سانده باله‌لر آچ مکتب باریشینی ایتگن.
اوشبو نهاد، بوگون (چهارشنبه، ۴-دلو)، خلق‌ارا تعلیم کونی مناسبتی بیلن ایکس اجتماعی ترماغیده، باله‌لر نینگ تعلیمی اوچون ییگولیک ماده‌‌لر ضرورلیگینی مهم دیب یازگن.
افغانستان ده خلق‌ارا آزیق-آوقت دستوری گه کوره، اولر هر ایرتنگ ۷۰۰ مینگ قیز و اوغیل اوقووچی گه «کوچلنتیرووچی بیسکویت» توزیع قیله‌دیلر.
بیزلرنینگ فیسبوک صحیفه‌میزگه باش اورینگ!
مذکور نهاد نینگ کوپه‌یتیریشیچه، بو ایشلریدن مقصد، عایله‌لر اوز باله‌لرینی مکتب گه یوباریش اوچون ترغیب قیلیش دیر.
افغانستان یشاوچیلری نینگ اقتصادی قیینچیلیگی باعث، کوپ سانده باله‌لر قیین حیات کیچیریب و یخشی آوقتلنه آلمه‌یدی.
انسان حقلری و یاردم بیرووچی نهادلر نینگ معلومات‌لری اساسیده، مملکت نینگ قطار ولایت‌لریده باله‌لر دن بیرقطاری عایله‌لری نینگ اقتصادی قیینچیلیگی باعث، سرک‌لر یا که شاق ایشلر گه یوز کیلتیریب و نهایت تعلیم دن فایده‌لنه آلمه‌یدیلر.
بیزلرنینگ «ایکس» ترماغی ده هم تعقیب قیلینگ!
خلق‌ارا تعلیم کونی عین‌حالده ییتیب کیلماقده، اسلام امیرلیگی افغانستان ده ایکینچی مرته حاکمیت نی آلیشیدن کیین دستلب آلتینچی صنف دن یوقاری قیز اوقووچیلر یوزی گه مکتب‌لر نی یاپدیلر و کیین ایسه قیزلر طلبه‌لر تحصیلی همده عیاللر نی نادولتی اداره‌لر گه ایشلش‌لرینی منع قیلگن.
سرپرست حکومت نینگ خاتین قیزلر گه یره‌تگن چیکلاولری ایچکی و خلق‌ارا قرشی‌لیک‌لر گه دوچ بولگن بولسه ده، بیراق اولر بو ایستک‌لر گه اعتبار بیرمه‌ی و چیکلاولرنی بیکار قیلمه‌گن.