ینگی‌لیکده فاریاب ولایتی‌ده تورلی قیین‌چیلیک‌لر سبب، اویلریدن آواره بولگن قیز باله‌لر اوچون بیر مکتب آچیلگن.
مذکور مکتب، باش پناه ایزلاوچیلر بوییچه بیرلشگن ملت‌لر تشکیلاتی عالی کمیشنری دفتری نینگ مالی همکارلیگی بیلن، فاریاب مرکزی میمنه شهری نینگ بیرینچی ناحیه‌سیده جایلشگن ده‌عزیزان ساحه‌سیده توزه‌تیلگن دیر.
باش پناه ایزلاوچیلر بوییچه بیرلشگن ملت‌لر تشکیلاتی عالی کمیشنری دفتری نینگ شمال زون مسئولی برندا اسکلند، اوشبو مکتب نینگ آچیلیش مراسمی‌ده ایتگن که، افغانستان ده تعلیم و تربیه نینگ دوامی، اساسی بیر نیاز دیر. اونگه کوره، مذکور مکتب ۳۰ مملکت نینگ مالی همکارلیگی بیلن توزه‌تیلگن.
بیزلرنینگ فیسبوک صحیفه‌میزگه باش اورینگ!
فاریاب معارف ریاست رئیسی حفیظ‌الله نینگ ایتیشیچه، اوشبو مکتب نینگ بنا‌سی ۱۶۳ مینگ دالر خره‌جت بیلن ۶۰۰ مترمربع ییرده توزه‌تیلگن و آلتی صنف گه ایگه دیر.
شونینگدیک فاریاب مهاجرلر و باش پناه ایزلاوچیسی ریاست رئیسی سیف‌الدین جهادی، مهاجرلر و آواره‌لر نینگ تعلیم و تربیه‌سی اوچون زمینه یره‌تیلیشی خصوصیده تاکید قیلیب و ایتگن که، قریب بیر مینگ بیجا بولگن اوقووچی اوشبو مکتب‌ده تعلیم کورماقده.
بوندن آلدین فاریاب ده ایچکی آواره باله‌لر خیمه‌لر، درخت‌لر و دیوارلر سایه‌سی آستیده تعلیم کورماقده ایدیلر.
بیزلرنینگ توییترده هم تعقیب قیلینگ!
ایتیش کیره‌ک که، اوزون زمان‌دن بیری اوروش، قشاق‌لیک و حکومت‌لر و عایله‌لر نینگ توجه‌سیزلیگی سبب، باله‌لر تعلیم و تربیه‌دن آرته قالگنلر.
اسلامی امارت نینگ قدرت گه ایریشگنیدن کیین، مملکت بویلب اون‌مینگ‌لرچه اوقووچی درس حقی‌دن محروم قالگنی بیرحالده، قیز باله‌لر اوچون اوشبو مکتب آچیلگن.