افغانستان تشقی ایشلر وزیرلیگی، شنبه کیچه، ۱۸ سنبله، تورخم بندری یاپیلیشی گه دایر ترقه‌تگن بیانیه‌سیده ایتیشیچه، اسلام امیرلیگی پاکستان تامانیدن اوشبو بندر یاپیلیشی و افغانستان خوفسیزلیک کوچلری نشانگه آلینیشینی «قوشنی‌لیک قاعده‌لر» گه قرشی بیله‌دی. بیانیه ده کیلیشیچه، اوتگن هفته چهارشنبه کونی افغان چیگره‌چیلری نیچه ییل آلدین دیورند چیزیغی یقینیده قوریلگن خوفسیزلیک پوسته نی قوریش پیتیده پاکستان کوچلری نینگ قرشی‌لیگی بیلن دوچ بولیب و ایکی مملکت چیگره‌چیلری نینگ توقنشووی دن کیین، پاکستان حکومتی تورخم ایشیگینی یاپگن.
تشقی ایشلر وزیرلیگی نینگ کوپه‌یتیریشیچه، تورخم بندری یاپیلیشی ایکی مملکت و منطقه سوداگرلیگی اوستیگه سلبی تأثیر قیله‌دی و ایکی تامان سوداگرلری نینگ مالی قیینچیلیک بیلن روپه‌ره قیلیشی ممکن. بیانیه ده کیلیشیچه: «بوندن آلدین هندوستان مقصدی گه افغانستان سوداگرلری گه عاید انجیر یوکلنگن لاری رسوملی موتر، واگه بندری یولی ده، بلوچستان ایالتی نینگ پولیس پوسته‌سی یقینیده آلاو بیریلدی و بو مسئله ایشانچ سیزلیککه سبب بولگن.»
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی گه کوره، سونگی کون‌لرده پاکستان حکومتی افغانستان گه عاید یوزلب کانتینرنی حساس رویخط بهانه‌سیده (Sensitive List) کراچی بندری ده توخته‌تگن. مذکور وزیرلیک نینگ بیانیه‌سیده کیلیشیچه: «افسوس بیلن سابق بیریلگن برچه وعده‌لر وخلق‌ارا قاعده‌لر گه قرشی، پاکستان کوپراق کراچی بندری ده قیینچیلیک یره ته‌دی و افغانستان نینگ ایکینچیلیک محصولاتی و میوه‌لری ییتیب باریشی بیلن آقلب بولمس طرز ده ایشیک‌لرنی یاپه‌دی.»
اوشبو وزیرلیک نینگ کوپه‌یتیریشیچه، جنازه‌لر گه علاوه، عیاللر، آق‌سقاللر و باله‌لر شامل کوپ سانده یولاوچیلر تورخم ایکی تامانیده بند قالگنلر، هیچ آقلب بولمه‌یدی.
شونینگدیک، تشقی ایشلر وزیرلیگی گه کوره، اسلام امیرلیگی موجود قیینچیلیک نی مذاکره و دیپلوماتیک یوللر بیلن حل قیلیش مقصدیده سعی‌وحرکت قیلماقده دیر.
بیزلرنینگ توییترده هم تعقیب قیلینگ!
مذکور وزیرلیک، ایکی تامان سوداگرلیک، ترانزیت و منطقه اقتصادی اوچون بو کبی قیینچیلیک‌لرنی مذاکره آرقه‌لی حل قیلیب و سیاسی، اقتصادی، سوداگرلیک و یولاوچیلر نی قیینچیلیک بیلن دوچ قیلمسلیگی اوستیگه تأکید ایتگن.