آنه سوتیدن آوقتلنیش خلق‌ارا هفته‌سیده، صحت طفل کسل‌خانه‌سیده‌گی شفاکارلردن قطاری نینگ ایتیشلریچه، قوروق سوت بیلن چقه‌لاقلر نینگ آوقتلنیشی، اولرنینگ یوقمه کسل‌لیکلر، عقلی ضعیف بولیشی و توییب آوقت‌لنمسلیک کبی کسل‌لیکلر گه چلینیشی‌گه سبب بوله‌دی.
صحت طفل کسل‌خانه‌سیده توییب آوقت‌لنمسلیک بولیمی متخصص شفاکاری خالد، آنه سوتی بیلن آوقت‌لنیش‌نی اونملی دیب و ایتیشیچه، توغیلگن‌دن آلتی آیلیککه قدر باشقه هیچ قنده‌ی آزیق-آوقت چقه‌لاق اوچون آنه سوتی اورنینی آلالمه‌یدی. اونینگ کوپه‌یتیریشیچه: «آنه سوتی چقه‌لاق اوچون باش آلتی آیده مکمل آوقت دیر؛ چقه‌لاق توغیلگنی‌ده مکمل شکلده آنه سوتی بیلن آوقتلنیشی کیره‌ک؛ آنه سوتی چقه‌لاق اوچون دارو و آوقت دیر، آنه نینگ قوت و معافیتی نی چقه‌لاققه انتقال بیره‌دی و ییترلی بیر آوقت دیر.»
بیزلرنینگ فیسبوک صحیفه‌میزگه باش اورینگ!
شفاکارلر نینگ کوپه‌یتیریشلریچه، آنه سوتی بیلن آوقتلنیش خصوصیده آنه‌لر نینگ توجه‌سیزلیگی باله‌لر نینگ توییب آوقت‌لنمسلیک، جسمی و عقلی ضعیفلیگی کسل‌لیکلری گه چیلینیشی اصلی عامللریدن دیر.
باشقه بیر تاماندن، باش آلتی آیده چقه‌لاقلرینی قوروق سوت بیلن آوقتلگن آنه‌لردن قطاری نینگ ایتیشلریچه، سوتلری قوریگنی و ییترلی بولمه‌گنی سبب، باله‌لری آنه سوتیدن محروم قالگن.
آلتی آیلیککه قدر چقه‌لاغی نی قوروق سوت بیلن آوقتلگن پلوشه نینگ ایتیشیچه، حاضر ایسه چقه‌لاغی توییب آوقتلنمسلیککه چلینگن. «سکیز آی‌لیک بولگن؛ توغیلگنی‌ده سوتیم قوریدی. کسل‌خانه قوروق سوت بیردی. چقه‌لاغیم اوشبو سکیز آیده قیتره‌دی، ایچی کیته‌دی و ایسیتمه‌سی بار؛ شفاکارلر توییب آوقتلنمسلیککه چلینگن دیه‌دیلر.»
شونینگدیک کابل یشاوچیلریدن باشقه بیری فریبا نینگ ایتیشیچه، سوتی ییترلی بولمه‌گنی سبب، چقه‌لاغی نی قوروق سوت بیلن آوقتلگن. «قوروق سوت بیردیم؛ هیچ سوتیم یوق ایدی؛ سوتیم قوریگن ایدی و کیلمه‌یدی؛ آلتی آیلیک‌دن کیین قوروق سوت بیردیم. حاضر چقه‌لاغیم نینگ ایچی کیته‌دی و یوره‌گی بوزیله‌دی. توییب آوقتلنمسلیککه چلینگن.»
شونده‌ی بیرحالده، باله‌لر نینگ آوقتلنیشی بوییچه مصلحتچیسی ستاره حبیبی گه کوره، آنه‌لر سوتلری کوپه‌یشی اوچون چقه‌لاقلرگه سوت بیریلیشی وقتی و درست اصوللرینی رعایت قیلیشلری کیره‌ک. اونینگ کوپه‌یتیریشیچه: «آنه‌لر سوتی نینگ قوریشی یا-ده کمه‌یشی سببی بو دیر که، چقه‌لاق نینگ توغیلگنی‌دن کیین‌گی ساعتلرده سوت بیرمه‌یدیلر؛ دستلبکی ساعتلرده چقه‌لاققه سوت بیریلیشی کیره‌ک؛ چقه‌لاق توغیلگنی‌ده سوت آلیشگه تیارلیگی بولمه‌یدی اوشه اوچون زمان و حوصله‌لی بولیش نی ایسته‌یدی.»
بیزلرنینگ «ایکس» ترماغی ده هم تعقیب قیلینگ!
بولر گه علاوه، ساغلیق‌نی سقلش وزیرلیگی نینگ ایتیشیچه، اوتگن بیر ییل‌ده آنه سوتی بیلن چقه‌لاقلر نینگ آوقتلنیشی فایده‌سی خصوصیده آگاهی‌لیک بیریلیشی اوچون، ولایت‌لرده ۲۳۰۰ آوقتلنیش مصلحتچیسی تعیین‌لنگن.
افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، افغانستان ده چقه‌لاقلردن اوچ‌دن ایکی قسمی‌دن آزراغی دستلبکی آلتی آیده آنه سوتی بیلن آوقت‌لنه‌دیلر دیب اعلام قیلگن.
