افغانستان اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد اوتگن کون (یکشنبه، ۸_حوت) کابل‌ده خبری بیر ییغینده ایتیشیچه، اسلامی امارت کوچلری ایکی کون آلدین کابل‌ده شبهه‌لی اویلر نی تیکشیریش و تازه‌لش عملیات جریانیده، اسلامی دولت گروهی یا_ده داعش گه تیگیشلی ۶ کیشی، ۹ آدم اوغیرلاوچی و ۵۳ مسلکی اوغری‌نی قولگه آلگنلر و شونینگدیک بیر مقدار قورال هم قولگه کیلگن.
جناب مجاهد نینگ کوپه‌یتیریشیچه، کابل شهری نینگ تورلی منطقه‌لریده یولگه قوییلگن مذکور عملیات جریانیده، بیر مقدار قورال-یراغ قولگه کیلگن. اونگه کوره، اوتگن ایکی کون‌ده کلاشینکوف، کرینکوف، کلکوف، ام۱۶، ام‌فور، تفنگچه، کربین، راکت‌انداز، پیکا، دهشکه، درازنوف، نارنجک و ی۱۱ تکه شامل ۱۴۴ قورال و ۶۰مینگ‌دن کوپ تورلی اوق قولگه کیلگن.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نینگ اورغولشیچه، اولرنینگ کوچلری اوشبو عملیات جریانیده ۱۳ تُن باروت، ۳ پهپادی دوربین دستگاه‌سی، ۴ رنجر و باشقه ۴۴ دولتی موتر نی ضبط قیلگنلر. اونینگ کوپه‌یتیریشیچه، اویلر نینگ تیکشیریش جریانیده شونینگدیک عیال پولیسلر هم اولرنینگ کوچلری نی همراه‌لیک قیله‌دی و بو عملیات مسجدلر خطیب‌لری و وکیل گذرلری نینگ نظری آستیده صورت تاپه‌دی.
جناب مجاهد نینگ ایتیشیچه، کابل‌ده تازه‌لش عملیاتی جریانیده، آدم اوغیرلاوچیلر قولیدن ایکی کیشی آزاد بولیب و یشش بیر اویدن کوپ زماندن بیری قول و ایاغی زنجیر بیلن باغلنگن ایکی یاش قیز، تانیلیب و اونینگ عامللری قولگه آلینگن.
ذبیح‌الله مجاهد کابل و قطار ولایتلرده اویلر نینگ تیکشیریش و تازه‌لش عملیاتی نینگ یولگه قویلگنیدن مقصد، آدم اوغیرلاوچیلر و اوغری‌لر قولگه آلینیشی دیب کوپه‌یتیریشیچه، کابل شهری‌ده ایکی کوندن بویان باشلنگن مذکور عملیات پایتخت نینگ امنیتی تامین‌لنیشی اوچون کوپ فایده‌لی بولگنینی بیلدیرگن.
مجاهد گه کوره، اوشبو عملیات نینگ دوامی بار و کیله‌جک کونلرده یوتوق‌لر حقیده معلومات بیره‌دیلر. شونده‌ی بیرحالده، اسلامی امارت کوچلری جمعه کوندن بویان کابل و باشقه قطار قوشنی ولایتلرده اوی‌مه اوی تیکشیریشلر نی باشله‌گنلر و بو موضوع اهالی خواطری گه سبب بولگن.
بیزلرنینگ توییترده هم تعقیب قیلینگ!
عین حالده، اسلامی امارت سوزلاوچیسی نینگ اورغولشیچه، اوی‌لرنی تیکیریش و تازه‌لش عملیات یولگه قوییلیشیدن مقصد اهالی، سوداگرلر، شفاکارلر و بیلیم یورت استادلری نینگ خوفسیزلیگی تامین ایتیلیشی دیر. او اولکه یشاوچیلری اینیقسه کابل‌لیک لردن، اوشبو عملیات‌ده اسلامی امارت خوفسیزلیک کوچلری بیلن همکار بولیش لرینی طلب قیله‌دی.
مجاهد: عیاللر نینگ افغانستان دن تشقری سفرلری‌ده محرم‌لری بولیشی کیره‌ک
باشقه تاماندن مذکور ییغینده اسلامی امارت سوزلاوچیسی ذبیح‌الله مجاهد نینگ ایتیشیچه، افغانستان‌دن تشقری سفر قیله دیگن‌لر عیاللر نینگ محرم‌لری بولیشی ضرور دیر. او قیزلر محرم سیز تحصیلی بورسیه‌لر گه باریش سوالی گه جواب ایتیشیچه، عیاللر نینگ چیت ایل سفرلری گه محرم‌لری بولیشی «شرعی حکم» دیر.
مجاهد نینگ تأکیدلشیچه، حج قیلیش اسلام فرایض لریدن بیر دیر؛ بیراق محرم سیز عیاللر گه فرض ایمس. اونگه کوره، عیاللر اوچون محرم ضروری دیر و افغانستان اسلامی امارت، چیت ایل تحصیلی بورسیه‌لر گه باره دیگن‌لر اوچون «محرم و مشروع» یول‌لرنی تاپیش مقصد سعی-حرکت قیلماقده.
اسلامی امارت سوزلاوچیسی نینگ کوپه‌یتیریشیچه، «عذری» بولمه گنلر گه چیت ایل سفری گه رخصت بیریلمه‌یدی. اونگه کوره، افغانستان نینگ چیت ایل ده‌گی مهاجرلری یامان و تقدیر سیز بیر وضعیت‌ده حیات کیچیریشماقده.
