روسیه جمهور باشلیغی ولادیمیر پوتین گه کوره، عصیانچی گروه‌لر افغانستاندن جمعی خوفسیزلیک تشکیلاتی گه اعضا مملکت‌لر گه نفوذ قیلیش خطری موجود دیر.
روسیه اسپوتنیک آژانسی نینگ معلوماتی گه بناً، جناب پوتین چهارشنبه کونی، ۲ قوس، ارمنستان پایتختی ایروان ده جمعی خوفسیزلیک تشکیلاتی رهبرلری نینگ ییغیلیشیده، افغانستان وضعیتیدن خواطر بیلدیرگن.
بیزلرنینگ فیسبوک صحیفه‌میزگه باش اورینگ!
روسیه جمهور باشلیغی نینگ کوپه‌یتیریشیچه: «افغانستان وضعیتی گه دایر همکارلریمیز نینگ خواطرلرینی شریک قیلماقده من. البته وضعیت قیین دیر. جمعی خوفسیزلیک تشکیلاتی گه اعضا مملکت‌لر توپراغی گه خلق‌ارا عصیانچی گروه‌لر نینگ نفوذ قیلیش خطری کوپ و اولر آره‌سیده [احتمال] افراطیتچیلیک ایدئولوژی موجود دیر.
ولادیمیر پوتین، افغانستان باره‌سیده جمعی خوفسیزلیک تشکیلاتی گه اعضا مملکت‌لر نینگ هماهنگ بولیشینی سوره‌ب و بو ایش نیاز دیگن. اونگه کوره: «البته بو تهدیدلر قوشمه عملیات‌لر و عملیاتی اقدام‌لر بیلن خنثی بولیشی لازم.»
روسیه جمهور باشلیغی نینگ کوپه‌یتیریشیچه، مسکو افغانستانده دایمی ثبات برقرار ایتیلیشی اوچون یاردم بیره‌دی؛ بیراق دستلب بو مملکتده برچه شمول دولت شکللنیشی لازم.
بیزلرنینگ توییترده هم تعقیب قیلینگ!
بوندن آلدین روسیه رسمی‌لری، افغانستانده همه شمول دولت شکللنیشی اوستیگه تأکید ایتگنلر. روسیه نینگ افغانستان اوچون مخصوص نماینده‌سی ضمیر کابلوف، اسلام امیرلیگی نماینده‌سی حضورسیزلیگی بیلن بولیب اوتگن مسکو فرمت ییغیلیشیده، اسلام امیرلیگی برچه شمول دولت شکللنیشی طلب‌لری برابریده بی فرق‌لیگینی ایتگن ایدی.
شونینگدیک بوندن آلدین، قوشنی و منطقه مملکت‌لر نینگ رسمی‌لری افغانستانده عصیانچی گروه‌لر نینگ فعالیتیدن خواطر بیلدیرگندی، بیراق اسلام امیرلیگی رسمی‌لری هردایم اوشبو خواطرلر گه جواب ایتیشلریچه، افغانستاندن هیچ بیر مملکت گه قرشی هجوم بولمه‌ی و مذکور مملکت‌لر نینگ خواطرلری اساس‌سیز دیر.
