حماس و اسرائیل هفته‌لر قوراللی توقنشوو دن کیین، ایکی تامان تورت کون‌لیک آتش کیسین ده گروگه آلینگنلرنی قوییب یوبارگنلر.
حماس آتش کیسین بیرینچی کونیده، ۲۴ کیشی و اسرائیل ایسه ۳۹ فلسطین‌لیک نی قوییب یوبارگن.
قطر تشقی ایشلر وزیرلیگی سوزلاوچیسی مجیدالانصاری، جمعه کونی، ۳-قوس/۲۴-نومبر، حماس۱۳ اسرائیل‌لیک، ۱۰ تایلندلیک و بیر فلیپین‌لیک نی قوییب یوبارگنینی ایتگن.
بیزلرنینگ فیسبوک صحیفه‌میزگه باش اورینگ!
الجزیره آژانسی، اوتگن کونی خلق‌ارا قیزیل خاچ کمیته‌سی (ICRC) دن نقل قیلیب، اوشبو گروگه آلینگنلر ساغ-سلامت قوییب یوباریلگنینی ایتگن. مذکور کمیته اوز ایکس صحیفه‌سیده یازیشیچه: «بیز ۲۴ گروگه آلینگنلر ساغلام‌لیک بیلن قوییب یوباریلیشینی تصدیقلشدن خورسندمیز.»
شونینگدیک، اسرائیل حربی کوچلری، حماس تامانیدن قوییب یوباریلگنلر قیتیب و طبی تیکشیروولردن کیین اوی‌لری گه قیتیش‌لرینی معلوم قیلگنلر.
اوشبو آتش کیسین برقرار ایتیلیشی اوچون واسطه‌چیلیک قیلگن قطر، اسرائیل قماقخانه‌لریدن ۳۹ فلسطین‌لیک جمله دن عیاللر و باله‌لر قوییب یوباریلگنینی بیلدیرگن.
بیزلرنینگ «ایکس» ترماغی ده هم تعقیب قیلینگ!
قطر واسطه‌چیلیگی بیلن برقرار ایتیلگن آتش کیسین ده، حماس عیاللر و باله‌لر شامل ۵۰ اسیر، اسرائیل عیاللر و باله‌لر شامل ۱۵۰ فلسطین‌لیک نی قوییب یوباریشی ممکن.
حماس ۷-اکتوبر ده، اسرائیل گه کوتیلمه‌گن هجومی ده، بیر مینگ ۲۰۰ اسرائیل‌لیک نی اولدیریب و قریب ۲۵۰ کیشی نی گروگه آلدی. بو هجوم گه قرشی، اسرائیل غزه گه ییر و هوا دن هجوم اویوشتیریب و اونلب کیشی نینگ اولیب و یره‌لنیشیگه ضامن بولدی.
