جوزجان ولایتی نینگ مرکزی شبرغان شهری بلدیه باشلیغی حبیب‌الله قانع، اوتگن کون (سه‌شنبه، ۲۹ سنبله) دولت نی ملت گه حساب بیریش ییغینیده، اوتگن بیر ییل ده اوشبو اداره نینگ ایشلری و فعالیت‌لرینی میدیالر بیلن شریک قیلیب، مذکور اداره نینگ درآمدی کوپه‌لیشی اوچون اهالی نینگ همکارلیک قیلیشینی طلب قیلدی.
شبرغان شهری بلدیه باشلیغی نینگ ایتیشیچه، اوشبو اداره درآمدی کوپه‌لیب و شهر ترقیاتی اوچون اهالی یاردم بیریشی کیره‌ک.
بیزلرنینگ فیسبوک صحیفه‌میزگه باش اورینگ!
شبرغان شهری بلدیه اداره‌سی عمومی مدیری قدرت‌الله رحمانی، دولت نی ملت گه حساب بیریش ییغینیده ایتیشیچه، مذکور اداره اوتگن بیر ییل ده ۲۸ میلیون افغانی درآمد ییققن و ۱۶ میلیون افغانی مصرف قیلگن.
جناب رحمانی گه کوره، ایکی مارکیت نینگ بناسی قوریلیش ایشی باشله‌نیشی، ایکی کیلومتر سرککه جغل توشش و شبرغان شهری پارک بخدی قیته قوریلیشی، مذکور اداره نینگ ترقیاتی فعالیت‌لریدن سنله‌دی و شونینگدیک قطار پروژه‌لر نینگ ایشی تیزلیک بیلن باشلنه‌دی.
جناب رحمانی نینگ کوپه‌یتیریشیچه، ۱۳۵ ایت (سگ) نی ییغیش و ۲۷ مینگ ۱۹۹ تُن چیقیندی‌لرنی شهردن تشقری انتقال بیریش، اوتگن بیر ییل ده اوشبو اداره نینگ باشقه فعالیت‌لریدن بیری دیر.
اوشبو ییغینده، ولایت مقامی دفتر باشلیغی استاد محمد مجاهد، شبرغان شهری بلدیه ریاستیدن، جوزجان ولایتی بویلب ترقیاتی پروژه‌لرنی عملگه آشیریش‌نی سوره‌دی.
بیزلرنینگ توییترده هم تعقیب قیلینگ!
بیراق دولت نی ملت گه حساب بیریش ییغینیده جوزجان یشاوچیلری، بو گَل ییغین‌لر اوتکزیلیشینی خوش قرشی لشسه ده، اما سولری چراغ‌لر تعمیرلنیشی، سوو اریغ‌لری تازه‌لنیشی، شهری مارکیت‌لرده نقلیه واسطه‌لر پارکینگی یوق‌لیگینی، حاضرگچه حل بولمه‌گن قیینچیلیکلردن دیه بیان قیله‌دیلر.