قندوز ولایتی قلعهی زال تومنی نینگ کلوخ‌تپه، خشت‌تپه، باغیچه و بغریکو قیشلاق‌لر یشاوچیلری نینگ سلام‌وطندار گه ایتیشلریچه، اوتگن ۲۰ ییلده اولر نینگ قیین‌چیلیکلری اینیقسه مخابراتی خذمت‌لر قیین‌چیلیگی خصوصیده هیچ قنده‌ی توجه صورت تاپمه‌گن.
قلعهی زال تومنی «کلوخ‌تپه» قیشلاغی یشاوچیلریدن عبدالباری نینگ ایتیشیچه، اولر گه یقین اوچ قیشلاق‌ده هم مخابراتی ترماق‌لر نینگ خدماتی یوق و یالغیز اولر نینگ قیشلاغی‌ده‌گی مخابراتی ترماق بیر قونقیراق درجه‌سیده ایشله‌یدی که، اونینگ اوچون تیپه یا-ده تام آستیگه چیقیشلری کیره‌ک.
بیزلرنینگ «ایکس» ترماغی ده هم تعقیب قیلینگ!
شونینگدیک قلعهی زال تومنی کلوخ‌تپه قیشلاغی یشاوچیلریدن بیری عبدالحکیم نینگ ایتیشیچه: «نرمال شکلده مملکت‌دن تشقی‌ده بولگن دوست و ایناغه‌لریمیز بیلن گپلشه آلمه‌یمیز. اینترنت هیچ یوق، تومن مرکزی گه باره‌میز و او ییرده اینترنت‌دن قوللنه‌میز.»
باشقه بیر تامان‌دن، قلعهی زال تومنی نینگ «بغریکول» قیشلاغی یشاوچیلریدن فیض‌الله نینگ ایتیشیچه، ولایت‌دن تشقی یا-ده باشقه مملکت‌لرده بولگن یقین‌داشلری بیلن گپ‌لشیش اوچون مخابراتی خذمت‌لر ایشله‌یدیگن یقین قیشلاق‌لر یا-ده تومن مرکزی گه سفر قیله‌دیلر.
اونینگ کوپه‌یتیریشیچه: «قیشلاغی‌میزده مخابراتی ترماق‌لر هیچ ایشلمه‌یدی؛ کوپینچه قیین‌چیلیک بیلن روپه‌ره‌میز؛ اوتگن ۲۰ ییلده هیچ توجه صورت تاپمه‌گن. اسلام امیرلیگی‌دن بو قیین‌چیلیک نینگ حل بولینیشی نی ایسته‌یمیز.»
شونینگدیک «بغریکول» قیشلاغی یشاوچیلریدن بیری نجیب‌الله نینگ ایتیشیچه: «قیشلاغی‌میزده مخابراتی ترماق‌لردن فایده‌لنه آلمه‌یمیز. تیلیفونی‌میز بار؛ بیراق آنتن یوق. عایله و یقین‌داشلریمیز بیلن گپ‌لشماق اوچون، تومن مرکزی گه باریش گه مجبور‌میز و تومن مرکزی هم منطقه‌میزدن بیر ساعت و یا بیر یریم ساعت‌دن کوپراق اوزاق دیر.»
شونده‌ی بیرحالده، قندوز مخابرات و تکنالوژی ریاستی‌ده مسئوللر نینگ ایتیشلریچه، اولر یقین زمان‌ده مخابراتی خذمت‌لردن فایده‌لنه آلمه‌گن قیشلاق‌لر و منطقه‌لرده، مخابراتی خذمت‌لر نینگ فعال قیلیش اوچون سعی و حرکت قیلماقده‌لر.
مخابرات و تکنالوژی ریاستی‌ده «اترا» شمال‌شرق حوزه آمری مطیع‌الله صالح نینگ سلام‌وطندار گه ایتیشیچه، اولر نینگ فنی تیم‌لری مذکور قیشلاق‌لرده مخابراتی خذمت‌لر نی فعال قیلیش مقصد، سروی قیلگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «یقین زمان‌ده افغان تیلی‌کام یا-ده سلام مخابرایت ترماغی قوریلیشی خصوصیده قطعی سوز بیره آله‌میز. بونگه قوشیمچه، شونینگدیک افغان بیسیم مخابراتی ترماغی هم بو تومن‌ده بیر قطار سایت‌لری نینگ فعال قیلیش گه قرار آلگن.»
قلعهی زال تومنی قندوز نینگ ایکینچی درجه‌لی تومن‌لریدن حساب‌لنیب و اونینگ چیگره و اوزاق قیشلاق‌لر یشاوچیلری عامه خذمت‌لر اینیقسه مخابراتی خذمت‌لردن فایده‌لنه آلمه‌یدیلر.