ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری نینگ ایتیشیچه، افغانستان ایکینچیلیگینی رواجلنتیریش اوچون ایکینچیلیک متخصص‌لری نینگ حضوری مهم دیر. افغانستان ده متخصص کیشی‌لر ایکینچیلیک نینگ اساسی ستونی سنله‌دی و اولر بولمه‌گن تقدیرده، ایکینچیلیک سنتی‌لیگچه قاله‌دی.
جناب عمری سلام‌وطندار بیلن اوتکزگن صحبتیده، افغانستان اقتصادی رواجلنیشی اوچون ایکینچیلیک اوسیشینی مهم دیب، افغانستان ده باغدارلیک، چاروه‌چیلیک، غلله ییتیشتیریش، اورمان‌لر، سوولر و ییرلرنی باشقریش اوچون، متخصص کیشی‌لردن عبارت، انیق بوردلر تشکیل ایتیلیشیدن خبر بیره‌دی.
عمری نینگ کوپه‌یتیریشیچه، اوشبو ییل ده ایکینچیلیک وزیرلیگی چوکاتیده متخصص کیشی‌لر نینگ تشکیلی کوپه‌یتیریلگن، ایکینچیلیک ایشلری بوییچه اولر نینگ فکر_ملاحظه‌سی و مصلحت‌لریدن فایده‌لنه‌دیلر.
بیزلرنینگ فیسبوک صحیفه‌میزگه باش اورینگ!
ایکینچیلیک وزیرلیگی سرپرستی گه کوره، متخصص کیشی‌لر نینگ فکر_ملاحظه‌سی و مصلحت‌لری باعث ایکینچیلیک ساحه‌سیده ایریم برنامه‌لرنی عملگه آشیریب و دهقان‌لر صفتلی محصول ییتیشتیرماقده‌لر.
عطاءالله عمری نینگ ایتیشیچه، مذکور وزیرلیک ایکینچیلیک متخصص‌لر نینگ مصلحتی بیلن، حاضر بیرقطار ولایت‌لرده عملگه آشیریله‌یاتگن معقول ریجه‌نی عملی قیلگن.
ایکینچیلیک وزیرلیگی سرپریتی نینگ کوپه‌یتیریشیچه، اسلام امیرلیگی رهبری هبت‌الله آخوندزاده تامانیدن بنگی‌وار ماده‌لر ایکیلیشی تقیق‌لنگندن کیین، اورنیده باشقه نرسه ایکیش ریجه ایکینچیلیک ایشلری بوییچه ایش بیلرمان‌لر تامانیدن تیارله‌نیب و ایکینیچلیک وزیرلیگی گه تاپشیریلگن.
مملکت ایکینچیلیگی رواجلنیشی متخصص فعال کیشی‌لر نینگ حضوری گه باغلیق دیر؛ بیراق ایکینچیلیک وزیرلیگی گه کوره، جمهوریت زمانیده ایکینچیلیک سهمیه‌بندلیک اساسیده خاص بیر تیم و مسلک‌سیز کیشی‌لر تامانیدن باشقریلر ایدی، شو مسئله باعث افغاستان ایکینچیلیگی اوتگن ایکی سنه ده رواجلنمسلیگیگه سبب بولگن.
شو بیلن بیرگه، عطاءالله عمری گه کوره، حاضرگی حکومت مملکت ده ایکینچیلیک رواجلنیشی اوچون سعی‌وحرکت‌لری گه دوام بیرماقده دیر.
بیزلرنینگ توییترده هم تعقیب قیلینگ!
عین‌حالده، تخار، قندوز و سمنگان ده‌گی دهقان‌لردن بیرقطاری سلام‌وطندار بیلن اوتکزگن صحبت‌لریده، ایکین‌لری گه چیگیرتکه‌لر هجوم قیلیب و محصولات‌لریدن بیر قسمینی یوق ایتگنینی ادعا قیلگنلر.
سونگی کون‌لرده، بیرلشگن ملت‌لر تشکیلاتی آزیق_آوقات و ایکینچیلیک تشکیلاتی (فایو)، افغانستان نینگ شمال و شمال‌شرقی سکیز ولایتی ایکین‌لری گه مراکش‌لیک چیگیرتکه‌لر نینگ کینگ کولملی هجومی دن آگاه‌لنتیرگن.
مذکور تشکیلات گه کوره، بلخ، قندوز، تخار، سرپل، بدخشان، سمنگان، بغلان و بادغیس، چیگیرتکه‌لر هجوم قیلگن ولایت‌لردن سنله‌دی. شونینگدیک، غور شامل مرکزی ولایت‌لرده هم چیگیرتکه‌لر نینگ هجومی حقیده گزارش بیریلگن.