روسیه جمهور باشلیغی ولادیمیر پوتین مسکو خوفسیزلیک بیشینچی ییغیلیشیده نطق سوزلب ایتیشیچه، افغانستان دن امریکا حربی کوچلری چیقیشی دن کیین، اوشبو مملکت وضعیتی یخشی لنمه‌گن؛ بلکه او ییرده خلق‌ارا ترورچی گروه‌لر فعالیتی کوچه‌یگن.
مذکور ییغیلیش اورته آسیا، چین، هندوستان و ایران خوفسیزلیک کینگش باش کاتب‌لری نینگ حضوری و افغانستان حضورسیزلیگی بیلن، روسیه پایتختی مسکو شهری ده یولگه قوییلگن.
اوشبو ییغیلیش بیر بولیمیده، روسیه خوفسیزلیک کینگشی نینگ باش کاتبی نیکولای پاتروشف، افغانستان ده ترورچی گروه‌لر نینگ فعالیتی کوچه‌یشی منطقه اوچون کتته تهدید دیب ایتیشیچه، امریکا نینگ افغانستان ده قالگن قورال_یراغ‌لری اوچینچی مملکت ده قاره بازار گه یول تاپیب و ترورچی گروه‌لر نینگ قولی گه توشیشی ممکن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی نینگ اورین باسرلریدن بلال کریمی گه کوره، افغانستان هیچ بیر مملکت اوچون تهدید ایمس، امریکا و افغانستان حربی کوچلری دن قالگن قورال_یراغ‌لر، بیت‌المال ده سقلنماقده دیر.
اونینگ سلام‌وطندار گه ایتیشیچه: «اسلام امیرلیگی هیچ بیر عصیانچی گروه گه، افغانستان دن باشقه مملکت‌لر گه قرشی هجوم قیلیش گه رخصت بیرمه‌یدی. اسلام امیرلیگی حاکمیتیدن کیین هیچ کیمگه قورال قاچاق قیلیش گه رخصت بیریلمه‌گن. اسلام امیرلیگی برچه قورال_یراغ‌لرنی بیت‌المال ده سقله‌ماقده دیر.»
باشقه تاماندن، سیاسی علوم تدقیقاتچیسی داوود طنین، مسکو خوفسیزلیک ییغیلیشیده اسلام امیرلیگی چقیریلمسلیگینی، افغانستان ده‌گی حاکم نظام، منطقه اولکه‌لری تامانیدن تن آلینمسلیگی عنوان قیله‌دی.
سیاسی علوم تدقیقاتچیسی داوود طنین گه کوره: «بو ییغیلیش ده اسلام امیرلیگی چیقریلمسلیگی، منطقه و دنیا اولکه‌لری تامانیدن اسلام امیرلیگی تن آلینمسلیگیدن درک بیره‌دی.»
بیزلرنینگ توییترده هم تعقیب قیلینگ!
باشقه تاماندن، بیلیم یورت اوقیتووچیسی محمود اضطرابی نینگ ایتیشیچه، اسلام امیرلیگی تامانیدن منطقه خواست‌لری عملی بولمسلیگی باعث، روسیه خواطرینی کوچه‌یتیرگن.
ایتیش کیره‌ک که، مسکو خوفسیزلیک ییغیلیشی بیر بولیمیده، افغانستان ده همه شمول حکومت شکللنمسلیگیدن خواطر بیلدیریلگن.
منطقه مملکت‌لری، افغانستان ده عصاینچی گروه‌لر نینگ فعالیتی کوچه‌یشیدن عین‌حالده خواطر بیلدیرماقده‌لر که اوتگن بیر ییل ده، افغانستان ده قانلی هجوم‌لر اویوشتیریلیب و یوزلب کیشی نینگ اولیب و یره‌لنیشیگه سبب بولگن.