اوتگن کیچه پاکستان تشقی ایشلر وزیرلیگی بیر بیانیه ترقه‌تیب، امریکا افغانستان گه هوایی هجوم اویوشتیریش اوچون اوشبو مملکت نینگ اوچووچی‌سیز اوچاق‌لری پاکستان دن اوچیشینی رد قیلیب ایتیشیچه، افغانستان ملی مدافعه وزیرلیگی نینگ سرپرستی محمدیعقوب مجاهد نینگ بیاناتی ناتوغری دیر.
ملی مدافعه وزیرلیگی نینگ سرپرستی محمدیعقوب مجاهد اوتگن کون (یک‌شنبه، ۶ سنبله) کابل ده اوتکزیلگن ییغینده نطق سوزلب، افغانستان نینگ هوایی حریمی گه کیره‌دیگن امریکا نینگ اوچووچی‌سیز اوچاق‌لری، پاکستان دن اوچیشینی ایتگن ایدی. اونینگ کوپه‌یتیریشیچه، پاکستان بو ایشیدن قول تارتیشی کیره‌ک.
بیزلرنینگ فیسبوک صحیفه‌میزگه باش اورینگ!
جناب مجاهد گه کوره: «بیزنی رادار سیستمیمیزنی امریکا بوزدی، بیراق معلومات‌لر گه کوره، اولر [امریکا نینگ اوچووچی‌سیز اوچاق‌لری] پاکستان توپراغیدن اوچه‌دی و پاکستان ایسه اولر گه یول بیره‌دی. پاکستان افغانستان گه قرشی توپراغیدن فایده‌لنیش رخصتینی بیرمسلیگینی سوره‌یمیز.»
پاکستان تشقی ایشلر وزیرلیگی نینگ ایتیشیچه، «بونده‌ی سوزلر تأسفلی دیر» و دیپلوماتیک مناسبت‌لر گه قرشی دیر. مذکور وزیرلیککه کوره، پاکستان برچه مملکت‌لر نینگ حاکمیتی و حریمی گه حرمت قائل دیر.
پاکستان تشقی ایشلر وزیرلیگی نینگ بیانیه‌سیده کیلیشیچه، اوشبو مملکت برچه ساحه‌لرده تروریسم نی محکوم قیله‌دی. مذکور وزیرلیک اسلامی امارت رسمی‌لریدن افغانستان توپراغیدن باشقه مملکت‌لر گه قرشی استفاده بولیش خصوصیده خلق‌ارا وعده‌لرینی عملی قیلیشنی سوره‌گن.
بیزلرنینگ توییترده هم تعقیب قیلینگ!
ایتیش کیره‌ک که، نیچه کون آلدین القاعده رهبری ایمن الظواهری کابل شهری نینگ شیرپور منطقه‌سیده، امریکا نینگ اوچووچی‌سیز اوچاقی هجومی نتیجه‌سیده هلاک بولدی. اسلامی امارت کابل ده القاعده رهبری بارلیگیدن خبرسیزلیگینی بیلدیریب، امریکا نینگ هوایی هجومینی دوحه بیتیمی گه قرشی عنوان قیلگن.