سرپل ده بیر آنه آه‌ونالیه بیلن ایتیشیچه، چهارشنبه کیچه، ۹ حوت، قوراللی ایکی کیشی اوزی، ۱۲ و ۱۳ یاشلی قیزلرینی جنسی زورله‌گنلر. مذکور عیال سرپل ولایتی سوزمه‌قلعه تومنی «خانقاه» قیشلاغی یشاوچیسی دیر بیر ویدیو ده ایتیشیچه، محمدنادر و محمدطاهر اسم‌لریده قوراللی ایکی کیشی، کیچه یریمی اویی گه کیریب، اوزی و قیزلری نینگ کلتکلش گه قوشیمچه، اولرنی جنسی زورلشگن.
نیچه کوندن بویان اجتماعی ترماق‌لرده ترقه‌لگن اوشبو ویدیو ایریم واکنش‌لر گه روپه‌ره بولگن. قطار میدیالر نینگ معلوماتی گه بناً، واقعه عامللری اسلام امیرلیگی کوچلری دیر؛ لیکن اسلام امیرلیگی نیچه کون جیم‌لیک دن کیین، مذکور کیشی‌لر اسلام امیرلیگی اعضالری ایمسلیگینی ایتگن.
بیزلرنینگ فیسبوک صحیفه‌میزگه باش اورینگ!
سرپل امنیه قوماندان‌لیگی، مذکور ولایت ده جنسی زورلنگن بیر عیال و ایکی قیز واقعه عامللری قولگه آلینیشیدن خبر بیریب ایتیشیچه، اولر نینگ حجت‌لری تیکشیریلیشی اوچون عدلی و قضایی نهادلر گه تاپشیریلگن.
عین‌حالده سلام‌وطندار بیلن صحبت اوتکزگن باش قاره‌لاوچیلیک اداره سوزلاوچیسی عنایت‌الله حامد، مذکور واقعه قربانی‌لری حقی اوچون عدالت تأمین ایتیلیشیدن ایشانچ بیره‌دی.
او نینگ کوپه‌یتیرشیچه: «سرپل ده جنایتچیلر، اسلام امیرلیگی آتیدن جنایت قیلگنلر، قربانی‌لر ایرکین‌لیک بیلن محکمه گه شکایت قیلسین‌لر، اولر نینگ قیینچیلیگی گه دقت قیلینه‌دی.»
شو بیلن بیرگه، کابل ده بیر عایله، نیچه کون آلدین مزارشریف شهری ده ییتی عایله اعضاسی اسلام امیرلیگی کوچلری تامانیدن اولدیریلگنینی ادعا قیلگن.
اوشبو واقعه ده ایکی یاش اوغلی اولدیریلگن عین‌الله، اسلام امیرلیگی تامانیدن واقعه گه دایر آچیقلمه بیریلیشینی طلب قیله‌دی.
بیزلرنینگ توییترده هم تعقیب قیلینگ!
او نینگ ایتیشیچه: «عایله اعضالریمیزدن ییتی کیشی هلاک بولدی، ایکی ته‌سی اوغیل‌لریم، ایکیته‌سی جییه‌نیم، ایکیته‌سی قیین آغم و باشقه بیری قیین آغم نینگ اوغلی ایدی، برچه‌سی بیر عایله دن دیر اولدیریلگنلر.»
بوتوغریده ایچکی ایشلر وزیرلیگی نینگ فکر_ملاحظه‌سینی اورگه‌نیشنی ایسته‌دیک، لیکن مذکور وزیرلیک سلام‌وطندار نینگ سوال‌لری گه جواب قیتیرمه‌دی.