اسلام امیرلیگی تشقی ایشلر وزیری بیلن اوچره‌شگن افغانستان اوچون ایران نینگ مخصوص ایلچیسی و نماینده‌سی حسن کاظمی قمی، هلمند دریاسیدن ایران حق‌آبه‌سی تأمین ایتیلیشی اوستیگه تأکید ایتگن.
اوشبو اوچره‌شووده کابل ده ایران ایلچیسی، هلمند دریاسیدن ایران حق‌آبه‌سی تأمین ایتیلیشی اوستیگه تأکیدلش گه قوشیمچه، افغانستان سووی اساسی شکلده باشقریلیشی کیره‌ک دیگن.
تشقی ایشلر وزیرلیگی سوزلاوچیسی نینگ اورین باسری ضیااحمد تکل نینگ ایتیشیچه: «تشقی ایشلر وزیری ایران حق‌آبه‌سی خصوصیده اسلام امیرلیگی نینگ موقفینی آچیقلب و ۱۳۵۱ شرطنامه گه متعهدلیگینی بیلدیردی، یامغیر آز یاغیشی سوو تنقیص‌لیگیگه سبب بولگن، بو آچیق مسئله دیر.»
بیزلرنینگ فیسبوک صحیفه‌میزگه باش اورینگ!
سونگی سیاسی اوزگریش و افغانستان ده اسلام امیرلیگی حاکمیت گه ایریشگچ، ایران حاضرگی حکومت بیلن تعامل قیلیش گه حرکت قیلگن بیرینچی مملکت‌لردن سنله‌دی، ایش بیلرمان‌لر نینگ ایشانچی گه کوره، بوتوغریده ایران حکومتی اسلام امیرلیگی تامانیدن هلمند دریاسیدن ایران حق‌آبه‌سی تأمین ایتیلیشیدن ایشانچ تاپیش اوچون افغانستان حکومتی بیلن تعامل قیلیش گه علاقه کورستگن.
شو بیلن بیرگه، اوتگن بیر یریم ییل ده، ایران حکومتی نیچه مراتبه اسلام امیرلیگی تامانیدن هلمند دریاسیدن ایران حق‌آبه‌سی تأمین ایتیلیشینی سوره‌گن؛ لیکن ایران نینگ بو ایسته‌گی حاضرگچه عملی بولمه‌گن.
بیراق اسلام امیرلیگی هردایم، قورغاقچیلیک و سوو تنقیص‌لیگینی ایران نینگ حق‌آبه‌سی تأمین ایتیلمسلیک دلیلی عنوان قیلگن.
خلق‌ارا مناسبت‌لر ایش بیلرمانی محبوب محق نینگ ایتیشیچه: «اسلام امیرلیگی حاکمیت نی قولگه آلیشی بیلن، ایران افغانستان نینگ حاضرگی حکومتی بیلن یخشی مناسبتی بولیب و سوو مسئله‌سینی حل قیلیشگه امیدوار ایدی، بیراق تأسف بیلن افغانستان و ایران آره‌سیده بو مسئله حاضرگچه حل بولمه‌گن و حتا بو مسئله حلی و حق‌آبه تعینی اوچون، ییغین ریجه‌سی آلینمه‌گن.»
بیزلرنینگ توییترده هم تعقیب قیلینگ!
باشقه تاماندن، خلق‌ارا مناسبت‌لر ایش بیلرمان‌لریدن باشقه بیری نورالحمان ثاقب گه کوره: «حق‌آبه مسئله‌سی حل ایتیلیشی دایمی حکومت شکللنیشی گه باغلیق دیر، افغانستان ده دایمی حکومت شکللنگن حالده، بو مسئله بیر آز حلی بولیشی کوتیله‌دی.»
شونینگدیک ایش بیلرمان‌لر نینگ کوپه‌یتیریشیچه، افغانستان و ایران آب‌وهواسی و یشش محیط وضعیتی اوزگریشی گه قره‌گنده، ایکی مملکت آره‌سیده حق‌آبه مسئله‌سی حل بولمسلیگی، زمان اوتیشی بیلن ایکی تامان نینگ مناسبتی اوستیگه تأثیر قیلیشی ممکن.
