احصائیه و معلومات ملی اداره‌سی بوگون (سه‌شنبه، ۱۶ جوزا) کابل ده مطبوعاتی بیر ییغیلیش ده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ مالی و فنی یاردمی بیلن ینگی تیکشیرو نتیجه‌سینی میدیالر بیلن شریک قیلگن.
اوشبو تیکشیرو ده آنه‌لر و باله‌لر نینگ ساغلام‌لیگی، عایله‌لرده تعلیم و تربیه و باشقه بولیم‌لرده اولکه بویلب ۲۳ مینگ ۲۱۳ عایله بیلن مصاحبه بولگن.
مذکور ییغیلیش ده، احصائیه و معلومات ملی اداره سرپرستی فقیرمحمد زیار نینگ ایتیشیچه: «بو جهانی بیر تیکشیرو دیر، ۲۸ ییل دن بیری تورلی اولکه‌لرده عملی بولماقده. مملکت پالیسی و ترقیاتی ملی پلان‌لری اوچون مهم بولیم‌لر حقیده معلومات ییغیله‌دی.»
بیزلرنینگ فیسبوک صحیفه‌میزگه باش اورینگ!
مذکور تیکشیرو اساسیده، افغانستان ده ۷۶.۶ فایز آنه‌لر حامله‌لیک پیتیده یالغیز ۱ و ۳ مرته ساغلیک مرکزلر گه مراجعت قیله‌دی و یالغیز ۳۳.۴ فایزی هم اوشبو دور ده شفاکار گه مراجعت قیله‌دیلر.
اوشبو تیکشیرو نتیجه‌سی گه کوره، مملکت ده ساغلیک مرکزلرده ملَکه‌لی کیشی‌لر تامانیدن ۳۱.۵ فایز طبی خذمت کورسه تیلماقده.
مذکور تیکشیرو ده بیش یاشنی تولدیرمه‌گن ۳۲ مینگ ۹۸۹ باله و ۵ یاشر دن ۱۷ یاشر آره‌سیده بولگن ۲۰ مینگ ۶۸ اوسمیر باله بیلن مصاحبه قیلینگن.
اوشبو تیکشیرو اساسیده، بیش یاشنی تولدیرمه‌گن ۴۴.۷ فایز باله «بوی» لحاظ دن توییب آوقات‌لنمسلیک و ۱۸.۴ فایز باله «وزن» لحاظ دن توییب آوقات‌لنمسلیککه چلینگنلر.
مذکور تیکشیرو نینگ باشقه بیر بولیمیده افغانستان ده تعلیم و تربیه حقیده بحث ایتیلگن، تیکشیرو نتیجه‌سی گه کوره، دستلبکی باسقیچ ده اورگه‌تیش مرکزلرده باله‌لر نینگ حضوری ۴۷.۵ فایز و لیسه دوره‌سیده ۱۹.۵ فایز دیر.
مذکور تیکشیرو باشقه بیر بولیمی قانونی یاشنی تولدیرمه‌گن باله‌لر حقیده دیر، اوشبو تیکشیرو معلوماتی گه بناً، افغانستان ده ۳۸.۹ فایز قیزلر ۱۸ یاشنی تولدیرمسدن تورموش قوره‌دی، بو رقم تعلیم درجه‌سیگه قره‌گنده فرقلی دیر.
احصائیه و معلومات ملی اداره‌سی نینگ تیکشیروی گه بناً، قانونی یاشنی تولدیرمه‌گن سوادسیز قیزلر نینگ تورموش قوریش میزانی ۴۳.۳ فایز، دستلبکی تعلیم آلگن‌لر آره‌سیده ۳۷.۱ فایز، اورته تحصیل قیلگن‌لر آره‌سیده ۳۶.۲ فایز، ۱۲صنف نی بیتتیرگن‌لر آره‌سیده ۱۸ فایز و عالی تحصیلاتی بولگن‌لر آره‌سیده ۱۰.۷ فایز دیر.
بیزلرنینگ توییترده هم تعقیب قیلینگ!
احصائیه و معلومات ملی اداره مسئوللری، اوشبو تشکیرو نتیجه‌سینی شریک قیلیش بیلن باغلیق اداره‌لردن، مذکور تیکشیرو ده بحث گه آلینگن موردلرنی تیکشیریش اوچون اقدام قیلیش‌لرینی طلب قیلگن.
ییغیلیش ده احصائیه و معلومات اداره‌سی نینگ سرپرستی عصمت‌الله حکیمی، سلام‌وطندار خبرنگاری نینگ سوالی گه جواب ایتیشیچه: «مثلاً، قیشلاق‌لرده ۳۷.۱ فایز توغیلیش‌‌لر مسلک‌سیز کیشی‌لر تامانیدن صورت تاپه‌دی، باغلیق اداره‌لر معلومات گه قره‌ب بوتوغریده دقت قیله‌دی.»
عین‌حالده، اقتصاد وزیرلیگی نینگ مسلکی معینی عبدالطیف نظری، یخشی حکومتدارلیک اوچون بو گَل معلومات ییغیلیشینی مهم دیب بهاله‌گن. «معاصر دنیا ده یخشی حکومتدارلیک بیر بولیمی، کوچلی و انیق احصائیه دیر.»
احصائیه و معلومات ملی اداره مسئوللری نینگ ایتیشلریچه، اوشبو تیکشیرو بوندن آلدین افغانستان ده اوچ مرته قویاش ۱۳۷۶، ۱۳۸۲ و ۱۳۹۰_ییل‌لرده صورت تاپگن.