قول ساتووچیلیک بیلن حیات کیچیریب کیله‌یاتگن کابل یشاوچیلریدن بیر قطاری، اقتصادی قیینچیلیکلریدن نالیدیلر. اولر نینگ ایتیشلریچه، قول ساتووچیلیک درآمدلری بیلن، یشش اوی‌لرینی ایسیتیش اوچون تاش کومیر و یاغاچ ساتیب آلیشگه کوچلری ییتمه‌یدی.
کابل شهریده‌گی کمبغل‌لردن فرزانه اسملی عیال، باله‌لری گه بیر لقمه نان تاپیش اوچون ایرتن-آخشمگچه مینگ قیینچیلیک بیلن شهر کوچه‌لرینی کیزه‌دی.
عمری ۵۰ یاش دن اوتگن فرزانه نینگ ایتیشیچه، اویی ده آچ قارین بیلن یاتگن ۷ فرزندی، بیر لقمه نان تاپیب کیلتیریشنی کوته‌دیلر.
بیزلرنینگ فیسبوک صحیفه‌میزگه باش اورینگ!
آچ‌لیککه قوشیمچه، هوا ساووق‌لیگی اولر نینگ قیینچیلیکلرینی کوپه‌یتیرگن.
اونگه کوره، فرزندلریدن بیرقطاری شماللب قالگن، لیکن اقتصادی قیینچیلیک باعث اولرنی دارو_دواله‌ی آلمه‌گن.
اونینگ ایتیشیچه: «۱۰ بجه گه قدر شو ییرده اولتیره‌من، مجبورلیکدن اوی دن چیقه‌من. قییرده باریب و نیمه ایش قیلیشیمنی اصلا بیلمه‌ی من، ایاغ آغریق من. بیز گه یاردم‌لر ییتمه‌یدی، تانیشی بولمه‌گن‌لر گه اصلا کمک ییتمه‌یدی. الله گه توکل قیلیب شو ییرده اولتیره‌من، بیر قطار کیشی‌لر بیر مقدار پول بیره‌دی و بعضی‌لری نان بیره‌دی یتیم‌لریم‌گه آلیب باره‌من. هوا ساووق و اوی‌نی ایسیتیش اوچون هیچ نرسم یوق.»
کابل شهری نینگ باشقه بیر بورچگیده میوه ساتیش بیلن مصروف ۷۵ یاشر نظام‌الدین، آچ‌لیک و هوا ساویشیدن شکایت قیله‌دی. اونینگ ایتیشیچه: «چقه‌لاق‌لر ساووققه اصلا چیده‌ی آلمه‌یدی، ساووق اوز جایده، انسان‌لر نینگ ییگولیک نان‌لری یوق؛ ایش‌سیزلیک اوجیگه ییتگن، قیمتچیلیک اهالی قیینچیلیکلرینی ایکی برابر آشیرگن. یشش اوی‌لریمیزنی ایسیتیش اوچون حاضرگچه یاقیلغی ماده آلگنیمیز یوق.»
قیش موسومی ییتیب کیلیشی عرفه‌سیده، اوتمیش گه ییل‌لر گه نسبتن ییگولیک همده یاقیلغی ماده اینیقسه تاش کومیر، کوزگه کورینرلی درجه ده قیمت بولگن.
گرچند اسلام امیرلیگی نینگ ریجه‌سی اساسیده، بیر تُن تاش کومیر، ۹ مینگ افغانی عوضی گه کابل یشاوچیلری گه ساتیلیشی قرار قیلینگن؛ لیکن یشاوچیلردن قطاری اوشبو نرخ ده تاش کومیر ساتیب آلیشگه قادر ایمسلیکلرینی معلوم قیله‌دیلر.
بیزلرنینگ توییترده هم تعقیب قیلینگ!
کابل یشاوچیلریدن احمدالله نینگ ایتیشیچه: «حاضرگچه تاش کومیر و یاغاچ ساتیب آلگنیم یوق؛ کونده‌لیک درآمدیمیز بیر نیچه دانه نان پولی بوله‌دی. قیش موسومی ییتیب کیلماقده نیمه قیلیشنی بیلمه‌ی من، اهالی یالغیز قارین‌لرینی تویغازیش قیغوسیده قالگن. بلدیه هم تاش کومیرنی قیمت ساته دی؛ بیزگه حاضرگچه بیرگنی یوق. تاش کومیر قیمتی ۹ مینگ دییشه دی؛ بو نرخ ده ساتیب آلیشگه کوچیمیز ییتمه‌یدی.»
سونگی کونلرده کوتیلمس درجه ده هوا ساووق‌لیگی باعث، موسومی بیمارلیکلر اینیقسه باله‌لرده سنچیق کسللیگی کوپه‌یگن.
صحت طفل «اندراگاندی» کسلخانه مسئوللری، سلام‌وطندار گه بیرگن معلومات‌لری اساسیده، سونگی ایکی آی ایچیده کابل شهری ده باله‌لر نینگ سنچیق کسللیگی آشگن و آیی ده، چمه‌سی ۸ -۱۰ باله اوشبو بیمارلیک طفیلی قربان بوله‌دی.