کیسه‌ی صفرا کسللیگی خصوصیده آگاهی‌سیزلیک و عیاللر آره‌سیده بو کسل‌لیک نینگ تشخیص‌لنمسلیگی سبب، کیسه‌ی صفرا کسللیگی گه چلینگن عیاللردن قطاری اوز باشیمچهلیک دوالش‌گه اقدام قیلگنلر.
سلام‌وطندار مذکور گزارش‌ده کیسه‌ی صفرا کسللیگی گه چلینگن ییتی عیال بیلن صحبت قیلگن که اولر، معده آغریق، کوکره‌ک قفسی ساحه‌سیده آغریق نی حس قیلیش، قیتریش و اوزلرینی زیریککن حس قیلیشلری سبب، اوز باشیمچهلیک دوالش و معده آغریق‌نی قالدیره‌دیگن دارولردن قوللنیش گه باشله‌گنلر.
پروان یشاوچیسی بولمیش ۵۷ یاشیر زیبا‌گل نینگ ایتیشیچه، آگاهی‌سیزلیک و شفاکارلر آرقه‌لی کسللیگی نینگ تشخیص‌لنمه‌گنی سبب، بیر ییل معده آغریق‌نی قالدیره‌دیگن دارولردن قوللنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بوندن آلدین شفاکارلر یانیگه باردیم و اولر اچ‌پای‌لوریم بارلیگی نی ایتدیلر. بیر ییل دوالندیم و کوپ آغریق نی حس قیلگنیم‌دن کیین ینه شفاکار گه باردیم و اولر کیسه‌ی صفراینگ‌ده تاشی بار و عملیات قیلیشینگ کیره‌ک دیدیلر.»
شونینگدیک، کابل یشاوچیسی بولمیش ۳۶ یاشر ریگا و ۵۵ یاشر عادله نینگ ایتیشلریچه، کوکره‌ک قفسی ساحه‌سیده آغریق نی حس قیلیش، شانه آغریق، معده آغریق و اوزلرینی زیریککن حس قیلیشلری سبب، اوز باشیمچهلیک دارو استعمال قیلگنلر که، شفاکار گه بارگنلریدن کیین کیسه‌ی صفرا کسل‌لیکلری بارلیگی تشخیص بولگن.
ریگا نینگ کوپه‌یتیریشیچه: «چقه‌لاغیم نینگ دنیا گه کیلتیرگنیم‌دن کیین، بعضا کوکره‌‌گیم ساحه‌سیده آغریق نی حس قیله‌ر ایدیم، چونکه آغریق نینگ نیمه‌دن بولگنی بیللی بولمه‌گن ایدی و معده‌م دیب توشینه‌ر ایدیم. امپرازول و معده داروسیدن قوللنه‌ر ایدیم؛ بیرینچی‌ده آزراق آغریق بار ایدی؛ بیراق زمان اوتیشی بیلن کوپه‌یدی. شفاکار گه باردیم و کیسه‌ی صفراینگ‌ده تاشی بار و عملیات بولیشی کیره‌ک دیدیلر.»
شونینگدیک عادله نینگ ایتیشیچه: «ایکی ییل کسل ایدیم؛ معده‌م، قرنیم و شانه‌لریم ساحه‌سی آغریدی و بعضا قیتریسیم کیلیدی. اقتصادی وضعیتیم یخشی دیر؛ شفاکار گه باردیم، کیسه‌ی صفراینگ‌ده تاشی بار و عملیات قیل دیدی.»
شونده‌ی بیرحالده، شفاکارلر نینگ ایتیشلریچه، کیسه‌ی صفرا کسللیگی توغریسیده عیاللر نینگ آگاهی‌سیزلیگی، اولر نینگ اوز باشیمچهلیک دارو استعمال قیلیشلری گه سبب بولگن که بو دارولردن قوللنیش، معده آغریق، آوقت نینگ هاضمه سیستمی‌ده قیین‌چیلیک چیقیشی و وجود‌ده کیمیک نینگ پوک بولیشی نی اورته گه کیلتیره‌دی.
اولر نینگ کوپه‌یتیریشلریچه، کیسه‌ی صفرا کسللیگی ایرککلر گه نسبت عیاللرده کوپراق بولیب و اورته یاش آره‌سیده‌گی عیاللر کوپراق بو کسل‌لیک خوفی آستیده قرار تاپه‌دی.
بو توغریده داخله بولیمی شفاکارلریدن فاطمه سحر نینگ ایتیشیچه: «اولر معده‌لریده بیر قیین‌چیلیک بارلیگی نی توشینیب و دواملی شکلده انتی‌اسید یا-ده معده آغریق اوچون بولگن دارولردن قوللنه‌دیلر که زمان اوتیشی بیلن استخوان نینگ پوک بولیشی یا-ده استیوپوروزیس گه سبب بوله‌دی و نهایت بو قیین‌چیلیک نی اورته گه کیلتیره‌دی.»
شونینگدیک بو توغریده عمومی جراحی و یورولوژی متخصصی حمید عطایی نینگ ایتیشیچه: «کیسه‌ی صفرا کسللیگی گه چلینگن یا-ده کیسه‌ی صفرالری التهابی بولگن آلتی کیشی‌دن، تورت ته‌سی نی عیاللر تشکیل بیره‌دی و قالگن ایکی ته‌سینی ایرککلر تشکیل بیره‌دی که یاش نقطه‌ی نظری‌دن، یاشلری ۴۰-۵۰دن کوپ دیر.»
بیزلرنینگ «ایکس» ترماغی ده هم تعقیب قیلینگ!
بولر گه علاوه، سرپرست حکومت ساغلیق‌نی سقلش وزیرلیگی سوزلاوچیسی شرافت زمان امرخیل، عیاللر آره‌سیده کیسه‌ی صفرا کسللیگی واقعه‌لری بارلیگی نی تصدیق‌لب ایتیشیچه، بو کسل‌لیک نینگ مملکت کسل‌خانه‌لریده دوالنیشی ممکن.
اونینگ کوپه‌یتیریشیچه: «کیسه‌ی صفرا تاشی کسللیگی واقعه‌لری افغانستان ده بار؛ بو کسل‌لیک اوچون مرکز و ولایت‌لرده جراحی و داخله بولیم‌لریده خذمتلریمیز بار. بولر یانیده لاپاراسکوپی جراحی‌لری استقلال کسل‌خانه‌سیده و کابل کسل‌خانه‌لریده ینگی اوسکونه‌لر بیلن صورت تاپه‌دی. مرکز و ولایت‌لرده جراحی گه نیاز بولگن کیشیلر، قوله‌ی بیر شکلده فایده‌لنه آله‌دیلر.»
سپورت قیلیش و مناسب آوقت‌لنیش، عیاللر نینگ کیسه‌ی صفرا گه چلینیش خوفی نی کمه‌یتیره‌دی که بو نرسه‌نی افغانستان ده‌گی عیاللر، اقتصادی قیین‌چیلیکلر و مناسب امکانیت و شرایط یوقلیگی سبب، اونگه جدی توجه قیلمه‌یدیلر.
