جوزجان مرکزی شبرغان شهری نینگ مکتب‌لریدن بیر قطاری‌ده‌گی اوقووچیلر، اوتگن کون «عبدالرشید دوستم» مکتبی‌ده یولگه قوییلگن ساینس فستیوالی‌ده، ۶۱ ته پروژه و علمی تجربه‌لری نی نمایش گه قوییگنلر.
ساینس فستیوالی‌ده شرکت قیلگن خلاق اوقووچیلردن بیری احسان‌الله نینگ ایتیشیچه، بخار‌دن برق تولید قیله‌دیگن کیچیک بیر دستگاه توزه‌تگن دیر.
بیزلرنینگ فیسبوک صحیفه‌میزگه باش اورینگ!
اوشبو فستیوال‌ده احسان‌الله ایشانچ بیرگن که، حمایت بولگنی صورت‌ده کوپینچه پروژه‌لر نی تیار‌لب، ملی و خلق‌ارا رقابت‌لرده افغانستان نامی گه یخشی و کوپراق افتخار‌لر نی کسب قیلیش نی ایسته‌یدی.
شونده‌ی بیرحالده، جوزجان معارف ریاست مسئوللری، اوشبو برنامه نینگ یولگه قوییلگنیدن مقصد علمی و تئوری تعلیم‌لر گه اوقووچیلر نینگ تشویق قیلیش عنوان قیلگنلر.
جوزجان معارف ریاست رئیسی محمد‌طاهر جواد نینگ ایتیشیچه، اوقووچیلر مذکور فستیوال‌ده بیولوژی، فیزیک، کیمیا و ریاضی بولیم‌لریده پروژه‌لری و علمی تجربه‌لری نی نمایش گه قوییگنلر.
جوزجان معارف ریاست رئیسی گه کوره، بو کبی فستیوال‌لر نینگ یولگه قوییش بیلن مکتب‌لرده‌گی اوقووچیلر نینگ استعداد و قابلیت‌لری نمایان بوله‌دی.
بیزلرنینگ توییترده هم تعقیب قیلینگ!
باشقه بیر تامان‌دن، جوزجان معارف ریاستی نینگ ساینس و تعلیمی تکنالوژی مرکزی نینگ عمومی مدیری محمدپرویز رهی ایتگن که، اوشبو فستیوال‌ده ۱۲۰ اوقووچی ۶۱ پروژه نی نمایش گه قوییگن.
جناب رهی گه کوره، بوندن بویان بو کبی فستیوال‌لر اوقووچیلر نینگ تشویق قیلیش اوچون کوپراق یولگه قوییلیشی ممکن.
