جوزجان ساغلیق‌نی سقلش مسئوللری نینگ ایتیشلریچه، کووید ۱۹ گه قرشی ایملش کمپاینی بوگون (شنبه، ۲۵ سرطان)، اوشبو ولایت مرکزی و تومن‌لریده باشلندی و ۳۰ کونگچه دوام تاپه‌دی.
جوزجان ساغلیق‌نی سقلش ریاستی نینگ مطبوعات مسئولی حمیدالله درزابی نینگ ایتیشیچه، کرونا ویروس گه قرشی ایملش کمپاینینی بوگون جوزجان محلی مسئوللری نینگ حضوری بیلن باشله‌گنلر.
بیزلرنینگ فیسبوک صحیفه‌میزگه باش اورینگ!
جوزجان ساغلیق‌نی سقلش ریاستی نینگ مطبوعات مسئولی گه کوره، اوشبو کمپاین ده ایرککلر و عیاللر شامل ۱۸ یاشر دن یوقاری ۱۰۰ مینگ کیشی گه کووید ۱۹ واکسینی تطبیق ایتیله‌دی.
جناب درزابی نینگ کوپه‌یتیریشیچه، مذکور کمپاین ۳۳ تیم، ۱۳ سوپروایزر و ساغلیق‌نی سقلش کتلوی معافیت مسئوللری تامانیدن مسجدلرده آلغه آلیب باریله‌دی.
جوزجان ولایتی مقامی نینگ سرپرستی و اورین باسری مولوی گل‌محمد، اوشبو کمپاین باشله‌نیشینی خوش قرشی‌لب ایتیشیچه، اسلامی امارت ساغلیک خذمت‌لرنی ارایه قیلیشنی اوستون قرار بیره‌دی.
بیزلرنینگ توییترده هم تعقیب قیلینگ!
جوزجان ولایتی مقامی نینگ سرپرستی و اورین باسری نینگ کوپه‌یتیریشیچه، اهالی کووید ۱۹ واکسینی تطبیق ایتیلیش کمپاینیده ساغلیک خذمت‌لر نینگ ایشلاوچیلری گه یاردم بیریش‌لری کیره‌ک.