جوزجان ولایتی خدماتی و فرهنگی اندیشمند یاشلر مؤسسه مسئوللری، بوگون ایرته‌لب (پنجشنبه، ۳ سنبله) مذکور ولایت نینگ معارف باشلیغی مولوی محمدطاهر بیلن اوچره‌شیب، کمپاین آرقه‌لی ییققن درسی کتاب‌لرینی اوشبو ریاست گه ساوغه قیلدیلر.
جوزجان اندیشمند یاشلر مؤسسه مسئولی سید مسعود حسینی نینگ ایتیشیچه، اوشبو ولایت مرکزی شبرغان شهری نینگ ۴۰ قیشلاغیدن ایکی آی مابینیده ییققن قریب ۲۰۰۰ جلد کتاب نی، بوگون بیر مراسم آرقه‌لی معارف گه تاپشیرگنلر.
بیزلرنینگ فیسبوک صحیفه‌میزگه باش اورینگ!
اندیشمند یاشلر مؤسسه مسئولی گه کوره، اوشبو مؤسسه نینگ رضاکار یاشلری تامانیدن درسی کتاب‌لرنی ییغیش کمپاینی دوام ایتماقده دیر.
جوزجان معارف باشلیغی مولوی محمد طاهر جواد، خدماتی و فرهنگی اندیشمند یاشلر مؤسسه یاشلری نینگ مذکور ولایت معارف ریاستی گه کورستگن یاردم‌لریدن منتدارلیک بیلدیریب ایتیشیچه، «معارف برچه‌میز نینگ مشترک اوی میز دیر و معارف ترقیاتی اوچون برچه‌میز مسئول میز.»
بیزلرنینگ توییترده هم تعقیب قیلینگ!
جوزجان معارف باشلیغی اوشبو ولایت نینگ باشقه یشاوچیلریدن، اوی لریده‌گی درسی کتاب‌لرنی باشقه‌لر نینگ فایده‌لنیشی اوچون معارف ریاستی گه ساوغه قیلیش‌لرینی طلب قیلدی.
