حادثه‌لر گه ییتیشیش بوییچه دولت وزیرلیگی معینی مولوی شرف‌الدین مسلم بیر هیأت ییتکچیلیگیده جوزجان ولایتی فیض‌آباد تومنی نینگ بالامردیان قیشلاغی گه بارگن دیر. اونینگ ایتیشیچه، اوشبو سفری‌دن مقصد یانیغن نتیجه‌سیده زیان کورگنلر گه یاردم بیریش دیر.
حادثه‌لر گه ییتیشیش بوییچه دولت وزیرلیگی معینی گه کوره، مذکور قیشلاغ‌ده اوی‌لردن کوپ قطاری یانغین‌ده یانیب و اهالی گه کوپینچه زیان ییتیشگن. جناب مسلم نینگ کوپه‌یتیریشیچه، جوزجان ولایتی فیض‌آباد تومنی نینگ بالامردیان قیشلاغیده یوز بیرگن یانغین الهی بیر امتحان دیر.
جوزجان طبیعی حادثه‌لر گه قرشی کوره‌ش ریاست رئیسی مولوی سراج‌الدین سراجی نینگ ایتیشیچه، بالا مردیان قیشلاغیده یوز بیرگن یانغین طفیلی هیچ کیم گه جانی زیان ییتیشمه‌گن، لیکن اوشبو یانغین اهالی گه کوپینچه مالی زیان ییتیشتیرگن.
بیزلرنینگ توییترده هم تعقیب قیلینگ!
جوزجان طبیعی حادثه‌لر گه قرشی کوره‌ش ریاست رئیسی گه کوره، بوگون بالامردیان قیشلاغیده یوز بیرگن یانغین نتیجه‌سیده زیان کورگن ۷۵ عایله گه ۱۴ قلم ییگولیک ماده و باشقه بیر قطار نرسه ترقه‌تگنلر. یاردم بیریلگن نرسه‌لر آره‌سیده اون، برنج، مربا، چاکلیت، موکیت، توشک، باله‌لر اوچون قیش کییم،کمپل، پلاستیکی تاواق و خیمه ترقه‌تیلگن دیر.
مذکور یاردم‌لردن فایده‌لنگن جوزجان ولایتی بالامردیان قیشلاغ یشاوچیلریدن قطاری نینگ ایتیش‌لریچه، ۶ کون‌دن بیری اوشبو قیشلاغ‌ده یانغین توخته‌گن دیر.
بیزلرنینگ فیسبوک صحیفه‌میزگه باش اورینگ!
جوزجان ولایتی فیض‌آباد تومنی نینگ بالامردیان قیشلاغ یشاوچیلری نینگ کوپه‌‌یتیریش‌لریچه، یوز بیرگن یانغین اوشبو قیشلاغ یشاوچیلری گه کوپینچه زیان ییتیشتیرگن که دولت و یاردم بیرووچی نهاد‌لر، کمک‌لری نینگ کوپه‌یتیریش‌لری کیره‌ک.
جوزجان امنیتی مسئوللری نینگ آماری اساسیده، اوشبو قیشلاغ‌ده ۱۲۴ یشش اوی بوتکول یا-ده قسمی شکلده آلاو آلگن دیر.