ایچکی ایشلر وزیرلیگی اطفائیه و طبیعی آفت‌لرنی باشقریش عمومی ریاستی، بوگون (یک‌شنبه، ۶ قوس)، کابل ده آلاونی اوچیرووچی بالون‌لرنی آچیش مراسمیده، اولکه بویلب یانغین‌لرنی اوچیریش اوچون سعی_حرکت قیله‌یاتگنلریدن خبر بیریب ایتیشلریچه، اوتگن بیر ییل ده، کوپ سانده یانغین‌لرنی اوچیریشگن.
ایچکی ایشلر وزیرلیگی اطفائیه و طبیعی آفت‌لرنی باشقریش عمومی ریاست رئیسی نورالله انصار نینگ سلام‌وطندار گه ایتیشیچه، بیر ییل‌دن بویان مملکت بویلب ۱۸۰۰ یانغین واقعه یوز بیرگن. اونگه کوره، بو آره‌ده اوشبو یانغین واقعه‌لردن ۹۰۰ته‌سی کابل و باشقه‌سی ایسه مملکت ولایت‌لریده یوز بیرگن که، اولردن کوپ قطاری اوچیریلگن.
بیزلرنینگ فیسبوک صحیفه‌میزگه باش اورینگ!
جناب انصار گه کوره: «اسلام امیر‌لیگی حکومتی نینگ باشلنگنیدن بیری، مملکت بویلب و کابل‌ده، کوپ قطار یانغین واقعه‌لریمیز بار ایدی که، الحمد‌الله بو حادثه‌لردن کوپ قطاری نی اوچیردیک و برچه وطن‌داشلری‌میز گه ایشانچ بیره‌میز که، یانغین‌لر نینگ وقتی‌ده اوچیریش اوچون سعی و حرکت قیله‌میز و برچه یشاوچی‌لریمیز‌دن حکومت بیلن همکارلیک قیلیش‌لری نی ایسته‌یمیز.»
شهری پلان‌سیزلیک، شهرلرده کتته_کیچیک انشاآت‌لرده ایمینی قاعده‌لر نظرگه آلینمسلیگی و شهرسازلیککه عاید قاعده‌لر تطبیق بولمسلیگی، مملکتده یانغین یوزبیریش عامللریدن دییله‌دی.
بیزلرنینگ توییترده هم تعقیب قیلینگ!
اولکه یشاوچیلری، اورمان‌لر و شهرلر مرکزلریده یانغین کوپه‌یشیدن خواطر بیلدیریب، حکومتدن بوتوغریده دقت قیلیب و یانغین صادر بولگن حالده، تیزلیک بیلن اوچیریش گه اقدام قیلیشینی طلب قیله‌دیلر.