خبرچی‌لر مصونیت کمیته‌سی، بوگون خلق‌ارا خاتین قیزلر بیردملیک کونی مناسبتی بیلن بیر اعلامیه ترقهتیب ایتیشیچه، سونگی نیچه آی‌ده، مملکت بویلب خبرچی‌لر وضعیتی خواطرلی دیر.
مذکور نهاد گه کوره، مملکت نینگ بیر قطار ولایت‌لریده عیاللر گه حاضرگچه میدیالرده فعالیت قیلیش اجازه‌سی بیریلمه‌گن و مملکت‌ده عیال خبرچی‌لر نینگ سانی کوزگه کورینرلی درجه‌ده کمه‌یگن.
بیزلرنینگ فیسبوک صحیفه‌میزگه باش اورینگ!
خبرچی‌لر مصونیت کمیته نینگ اورغولشیچه، اوتگن ییلی مملکت بویلب ۱ مینگ ۳۰۰ دن آرتیق عیال میدیالرده فعالیت قیلر ایدی، بیراق اوشبو ییل بو رقم ۳۰۰ گه کمه‌یگن.
اوشبو نهاد اسلامی امارت متصدی‌لریدن، عیاللر نینگ اساسی حقوق‌لری گه قول تاپیش اوچون همکار بولیب و ولایت‌لرده فعالیت قیلیش ایزینی بیریلمه‌گن عیال خبرچی‌لری گه فعالیت اجازه‌سی بیریلیشینی طلب قیلگن.
بو عین‌حالده، بشر حقوقینی کوزه‌تیش تشکیلاتی اوتگن کونی بیر گزارش ترقهتیب، افغانستان‌ده مخبرلر اینیقسه عیال خبرچی‌لری نینگ وضعیتیدن خواطر بیلدیرگن. اوشبو اداره گه کوره، ولایت لرده‌گی مخبرلر وضعیتی پایتخت گه نسبتن یامان دیر.
بیزلرنینگ توییترده هم تعقیب قیلینگ!
بشر حقوقینی کوزه‌تیش تشکیلاتی بیر گزارش‌ده یازیشیچه، قطار ولایت‌لرده، اسلامی امارت رسمی‌لری عیال خبرچی‌لری گه میدیا گه ایشلش‌گه اجازه بیرمه‌ی و ایش‌لرینی قویب یوباریشینی ایتگن‌لر.
بو عین‌حالده، سونگی ۶ آی‌ده، اسلامی امارت مملکت نینگ قطار ولایت‌لریده عیال مخبرلری گه چیکلاو یره‌تیب و بیرقطار ولایت‌لرده ییتکیرمه‌لرده خاتین قیزلر نینگ سیسی چیقیشینی منع قیلگن.