سرپرست حکومت ایچکی ایشلر وزیرلیگی تخمیناً بیر ییل آلدین کابل شهری اهالیسی اینیقسه یوقاری قووتلی بنالر ایگه‌لریدن، بنالری گه خوفسیزلیک کمره قوندیریش‌لرینی طلب قیلگن ایدی.
سرپرست حکومت ایچکی ایشلر وزیرلیگی مسئوللری نینگ سلام‌وطندار گه ایتیشلریچه، کابل شهری اینیقسه اوشبو شهر نینگ گوجوم ییرلریده ۶۲ مینگ ته خوفسیزلیک کمره قوندیرگنلر و اوشبو کمره‌لر آرقه‌لی کوپ سانده جنایی واقعه‌لرنی انیقلشگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سوزلاوچیسی نینگ اورین باسری بسم‌الله حبیب نینگ سلام‌وطندار گه ایتیشیچه: «کابل شهری ده حاضرگچه قریب ۶۲ مینگ ته خوفسیزلیک کمره قوندیریلگن و بو جریان کابل شهری بویلب دوام تاپه‌دی.»
خوفسیزلیک ایشلری بوییچه ایش بیلرمان صادق شینواری گه کوره، جنایی واقعه‌لرنی انیقلش و آلدینی آلیش اوچون خوفسیزلیک کمره‌لر قوندیریلیشی اونملی دیر بیراق مذکور کمره‌لر مسلکی کیشی‌لر تامانیدن اساسی شکلده باشقریلیشی لازم.
او نینگ کوپه‌یتیریشیچه: «بو کمره‌لر مسلکی کیشی‌لر تامانیدن وقتیده و اساسی شکلده باشقریلگن تقدیرده، جنایی جرم‌لرنی آلدینی آلیش اوچون نتیجه بیریشی ممکن.»
برچه‌سی بیلن، یشاوچیلر کابل شهری ده جنایی جرم‌لر اینیقسه قوراللی اوغری‌لیک‌لر یوز بیریشیدن خواطر بیلدیریلماقده‌لر.
کابل شهری اون اوچینچی خوفسیزلیک حوزه یشاوچیسی صفیه رضایی، کابل شهری ده اوزی و یقین‌لری کمیده تورت مرته اوغری‌لر بیلن روپه‌ره بولگنینی معلوم قیلیب ایتیشیچه، قوندیریلگن کمره‌لر نینگ صفتی قویی‌لیگی و برق‌سیزلیک باعث، بو کمره‌لر اونچه‌لیک نتیجه بیرمه‌یدی.
بیزلرنینگ توییترده هم تعقیب قیلینگ!
او قریب بیر آی آلدین، کیچه یریمی اوی‌لری ده اوغری‌لر نینگ هجوم قیلیش گواهی بولگن و اوندن آلدین کابل شهری ایچیده اوغری‌لر تیلیفونینی اوغیرلب کیتگنلر. او کابل ده اوغری‌لیک واقعه‌لری کوپه‌یشیدن خواطر بیلدیریب، خوفسیزلیک کمره‌لر باره‌سیده ایتیشیچه: «یوقاری قووتلی بنا ده اوغری‌لیک یوز بیریشینی ایشیتدیک، خوفسیزلیک کمره‌نی چک قیلدیلر صفتی قویی ایدی و مجرم نی تانیب بولمس ایدی و ینه بیرتاماندن برق بولمسه بو کمره‌لر ایش بیرمه‌یدی.»
عین‌حالده، اسلام امیرلیگی مملکت ده خوفسیزلیک برقرار ایتیلیشیدن ایشانچ بیرسه ده، بیراق مملکت بویلب اینیقسه کابل ده انده_سنده اوغری‌لیک واقعه‌لری یوز بیریشیدن گزارش بیریله‌دی.