هرات مرکزی سیلو مسئوللری نینگ ایتیشلریچه، کابل و بلخ سیلولری ایشلرینی باشلشدن سونگ، هرات مرکزی سیلوسی ۱۵ ییل فعالیتی توخته‌تیلگنیدن کیین بوگون (دوشنبه، ۲۴ عقرب)، اوز فعالیتینی قیته دن باشله‌گن.
افغانستان مرکزی سیلو باشلیغی نصرالله منصور، هرات سیلوسی آچیلیشی مناسبتی بیلن اوتکزیلگن مراسمده، مملکت بیش سیلوسی ده بیش مینگ ایشلاوچی قبول قیلینیشیدن خبر بیرگن.
بیزلرنینگ فیسبوک صحیفه‌میزگه باش اورینگ!
اونگه کوره، هرات سیلوسی نظامی اداره‌لر و قطار ملکی اداره‌لر نینگ ضروری نانینی تأمینلشی ممکن.
باشقه تاماندن، هرات معلومات و مدنیت باشلیغی نعیم‌الحق حقانی، مذکور سیلو قیته فعالیت گه باشله‌گنیدن خورسندلیک قیلیب، بو گَل کلیدی و بویوک آست قورمه‌لر توخته‌تیلمسلیککه امید بیلدیرگن.
هرات مرکزی سیلو، اسلام امیرلیگی حاکمیتیده فعالیت گه باشله‌گن اوچینچی سیلو سنله‌دی.
بیزلرنینگ توییترده هم تعقیب قیلینگ!
هرات مرکزی سیلوسی، سردارمحمد داوودخان زمانیده اوشبو ولایتده ایشگه باشله‌دی، سونگی ۱۵ ییل ده حکومت مسئوللری نینگ دقت‌سیزلیگی باعث فعالیتی توخته‌تیلدی.
هرات مرکزی سیلوسی بوندن بویان مملکت غرب حوزه‌سیده، بوغدای ذخیره قیلیش، نان پیشیریش و بوغداینی اون قیلیش بوییچه فعالیت قیلیشی کوتیله‌دی.