هلمند یشاوچیلریدن قطاری نینگ ایتیش‌لریچه، انسان پرورلیک یاردم‌لر صورت تاپگنی بیلن، بیراق حاضرگچه اهالی کوپینچه قیین‌چیلیک بیلن روپه‌ره دیر.
اولر گه کوره، یاردم‌لر ترقه‌تیلیشی جریانیده بیر قطار نیازمند عایله‌لر گه یاردم ییتیشمه‌گن و مذکور ولایت نینگ نوزاد، باباجی و ناوه تومنی یشاوچیلری انسان پرورلیک یاردم‌لر نینگ ترقه‌تیلیش پروسه‌سیدن شکایت قیله‌دیلر.
بیزلرنینگ توییترده هم تعقیب قیلینگ!
هلمند یشاوچیلریدن عبدالغفار نینگ ایتیشیچه: «باباجی تومنی نینگ یشاوچیسی‌مین، حاضر ایسه اهالی‌دن کوپ قطاری شدت‌لی بیر شکلده یاردم گه احتیاج‌لری بولگنی بیرحالده، منطقه و قیشلاغی‌میز گه هیچ قنده‌ی یاردم صورت تاپمه‌گن.»
شونینگدیک هلمند یشاوچیلریدن باشقه بیری عبدالخالق نینگ ایتیشیچه: «یاردم‌لر ترقه‌تیلیشی‌دن خورسند ایمس‌میز. چونکه مذکور یاردم‌لر نیازمند کیشی‌لر گه ترقه‌تیلمه‌یدی. اسلام امیر‌لیگی‌دن اوشبو یاردم‌لر نی حقیقی نیازمند‌لر گه ترقه‌تیلیشی ایسته‌یمیز.»
شونده‌ی بیرحالده، مذکور یاردم‌لردن فایده‌لنگن عایله‌لردن قطاری، خورسندلیک بیلدیریب و ایتیش‌لریچه، ایش یوق و اولر بعضا نیازلری نی فراهم قیله‌‌آلمه‌یدی و شونینگدیک عایله‌لردن قطاری کیله‌سی ساووق قیش موسمی‌ده قیین‌چیلیک بیلن روپه‌ره بولیش‌لری ممکن.
مهاجرلر ایشلری بوییچه ریاست مسئوللری نینگ ایتیش‌لریچه، اوتمیش بیر ییل‌ده اوشبو ولایت نینگ فرقلی منطقه‌لریده قریب ۴۹ مینگ عایله گه نقدی و ییگولیک ماده یاردم بیرگنلر.
هلمند مهاجرلر ایشلر بوییچه ریاست رئیسی الله‌داد انقیادی نینگ ایتیشیچه، هلمند ولایتی‌ده‌گی نیازمند عایله‌لر گه انسان پرورلیک یاردم‌لر ترقه‌تیلیش پروسه‌سی نینگ کوچه‌یشی خصوصیده سعی و حرکت نینگ دوامی بار.
بیزلرنینگ فیسبوک صحیفه‌میزگه باش اورینگ!
جناب انقیادی نینگ کوپه‌یتیریشیچه: «اسلام امیر‌لیگی نینگ قدرت گه ایریشگنی بیلن، ریاستی‌میز خیریه موسسه‌لر یاردمی بیلم قریب ۵۰ مینگ عایله گه نقدی و ییگولیک ماده ارائه قیلگن و شونینگدیک سعی و حرکتی‌میز گه دوام بیره‌میز.»
هلمند شامل مملکت نینگ قطار ولایت‌لری اقتصادی قیین‌چیلیک بیلن روپه‌ره بولیب و عاجل انسان پرورلیک یاردم گه احتیاج‌لری بولگنی بیرحالده، هلمند محلی رسمی‌لری ۴۹ مینگ عایله گه انسان دوست‌لیک یاردم صورت تاپگنی‌دن خبر بیره‌دی.
