«باباحاجی» مسجدی غزنی شهری نینگ غربیده جایلشگن، مذکور مسجد نینگ کتته‌لیگی ۲۰۰ متر مربع و ۲ قبتدن عبارت دیر ایتیلیشیچه، مذکور مسجد نینگ قوریلیشیدن قریب ۲۵۰۰ ییل اوتماقده.
تاریخچی‌لر نینگ ایتیشلریچه مذکور مسجد غزنی شهریده مسلمانلر نینگ بیرینچی مسجدی ایکن، بیراق حاضر قوللش عرفه‌سیده قرار تاپگن.
شونده‌ی بیرحالده، غزنی ولایتی یشاوچیلری و فرهنگی‌لریدن قطاری، اوشبو مسجد وضعیتی‌دن خواطر بیلدیریب، اسلامی امارت‌دن مذکور مسجدنی قیته قوریلیشی اوچون سعی و حرکت قیلیشلرینی سوره‌یدیلر.
بیزلرنینگ فیسبوک صحیفه‌میزگه باش اورینگ!
عبدالواحد مذکور مسجدده ۱۲ ییل‌دن بویان خادم اوله‌راق ایش قیلیب کیلماقده، اونینگ سلام‌وطندارگه ایتیشیچه، نماز اوقووچی کیشی‌لر اوشبو مسجد نینگ ۲-ینچی قبتیده، چپه بولیشدن قورقیب نماز اوقیمه‌یدیلر.
او اسلامی امارت‌دن مذکور مسجد نینگ قیته قوریلیشینی ایستب ایتیشیچه، اوشبو تاریخی آبده تیز فرصتده تعمیرلنمسه قوللشی ممکن.
عین‌حالده، غزنی ولایتی فرهنگی‌لریدن بیری آقامحمد خوشه‌زاده نینگ ایتیشیچه، «باباحاجی مسجدی» اسلام دن آلدین بودایی‌لر پاشا‌هی بولمیش«کنشکا» زمانیده بودایی‌لر نینگ مهم عبادت خانه‌لریدن بیری اید، مملکتده اسلام دینی کینگه‌یشی بیلن، مذکور عبادت خانه مسلمانلرنینگ اوچینچی خلیفه‌سی بولمیش«حضرت عثمان» زمانیده مسجدده اوزگریلدی و مذکور تارخی آبده اوشبو ولایتده مسلمانلر نینگ بیرینچی مسجدی اوله‌راق حسابلنه‌دی.
شونده‌ی بیرحالده، غزنی ولایتی معلومات و مدنیت ریاستی نینگ باشلیغی حبیب‌الله مجاهد نینگ سلام‌وطندارگه ایتیشیچه، بو اداره مذکور مسجد قیته قوریلیش لایحه‌سینی معلومات و مدنیت وزیرلیگیده یوبارگن اوشبو پشنهاد معلومات و مدنیت وزیرلیگی تامانیدن تصدیقلنگن صورتده، مذکور مسجد نینگ قیته قوریش ایشی باشلَنیشی ممکن.
بیزلرنینگ فیسبوک صحیفه‌میزگه باش اورینگ!
غزنی ولایتی نینگ «ایسکی شهری» اوشبو نینگ تاریخی محله‌لریدن دیر ۱۲ مسجد و ۱۴ گذر دن عبارت دیر. اوشبو محل نینگ کوپینچه مسجدلری ۳۰۰ ییلددن آرتیق تاریخ‌گه ایگه و غزنی ولایتی نینگ تاریخی آبده‌لری اوله‌راق معلومات و مدنیت وزیرلیگیده ثبت ایتیلگن.
ایتیش کیره‌ک دیر که غزنین قلعه‌سی نینگ برج‌لری ۲۰۱۳- ییل تعمیرلندی، بیراق اوشبو قلعه نینگ کوپینچه مسجدلری شامل بیرقطار تاریخی مکانلری تعمیرلنمه‌ی اوز حالتیگه قالدی و ییل اوتیشی بیلن مذکور تاریخی بنالر زیان کوره‌دیلر.