افغانستان ده یوز بیرگن سوو تاشقین‌لردن زیان کورگنلر وضعیتی خصوصیده خلق‌ارا خواطرلر بیلن بیرگه، غور و بغلان ده سوو تاشقین‌لریدن زیان کورگنلر آزیق-آوقت، ایچیم‌لیک سوو و باش‌پنه امکانیت‌لریگه قول تاپه آلمسلیکدن شکایت قیلیب و ایتیشلریچه، مسئول نهاد‌لر اولر گه یاردم بیرمه‌گن.
مذکور ولایت‌لر یشاوچیلری نینگ کوپه‌یتیریشلریچه، سونگی سوو تاشقینلرده اوی‌لری نی قولدن بیریب، هر کونی سوو تاپیش و هر کیچه یاتماققه جای تاپیش اوچون سرگردان‌لر.
غور مرکزی فیروزکوه شهری یشاوچیسی محمد نینگ سلام‌وطندار گه ایتیشیچه: «سوو تاشقینی‌ده ایکی قیزیم، ایکی اوغلیم و تورموش اورتاغیم نی قولدن بیردیم. بیزلر گه یاردم کیلمه‌گن. ایکی ته اوییم بار ایدی که لای‌دن باشقه هیچ نرسه قالمه‌گن. دولت‌دن یاردم بیریشی نی ایسته‌یمن که کوپ زیان کورگن‌میز.»
بیزلرنینگ فیسبوک صحیفه‌میزگه باش اورینگ!
شونینگدیک بغلان مرکزی پلخمری شهری یشاوچیسی نینگ ایتیشیچه: «سیل کیلیب برچه باغ و اوی‌لریمیز نی آلیب کیتدی. حاضر ایسه اوی‌لر بوتونلی خراب بولگن و هیچ نرسه نی چیقره آلمه‌دیک. بعضیلر گه حیات کیچیریش اوچون هم جای قالمه‌گن. قودوق‌لر سووی خراب بولگن و ایچیم‌لیک سوو یوق.»
قاچقینلر وزیرلیگی نینگ معلوماتی اساسیده، بغلان ده یوز بیرگن سونگی سوو تاشقین‌لر نتیجه‌سیده، ۳۱۵ کیشی اولیب و بیرمینگ ۶۳۰ کیشی یره‌لنگن و قریب اوچ مینگ یشش اوی ویران بولگن؛ شونینگدیک غور ده سونگی سوو تاشقینلرده قریب ۶۰ کیشی اولیب و یوزلب یشش اوی ویران بولگن.
قاچقینلر وزیرلیگی گه کوره، بغلان و غور دن کیین تخار و فاریاب ده یوز بیرگن سوو تاشقین‌لر نتیجه‌سیده، اونلب کیشی اولگن.
شونده‌ی بیرحالده، خلق‌ارا آزیق-آوقت دستوری، بیرلشگن ملت‌لر تشکیلاتی نینگ باله‌لردن حمایت قیلووچی صندیغی و اوشبو تشکیلات نینگ افغانستان اوچون مخصوص گزارشگری، سوو تاشقین‌لریدن زیان کورگنلر وضعیتی و مینگ‌لب عایله نینگ اوی‌سیز بولگنی‌دن خواطر بیلدیریب، بیرلشگن ملت‌لر تشکیلاتی‌دن افغانستان ده سوو تاشقین‌لریدن زیان کورگنلر گه کوپراق بودجه اختصاص بیریلیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اطراف-محیط بیلرمانلری نینگ ایتیشلریچه، افغانستان ده اقلیمی اوزگریشلری نینگ سلبی اثرلری کمه‌یشی اوچون اوشبو مملکت‌ده صنعتی مملکت‌لر لایحه‌لری نینگ قولگه آلینیشی نی ایسته‌گن.
بو توغریده اطراف-محیط ایشلری بوییچه ایش بیلرمانی نجیب‌الله سدید نینگ سلام‌وطندار گه ایتیشیچه: «سوو تاشقین‌لر فرصت هم بوله آله‌دی. چیک‌دم و توغان‌لر قوریلسه، سوو تاشقین‌لر توپراق نم‌لیگی نی یخشی‌راق قیلی بو ییر آستی سوولر نی کوپه‌یتیره آله‌دی؛ اقلیم اوزگریشی‌ده کوپراق رول اوینه‌یدیگن صنعتی مملکت‌لر، افغانستان ده سوو تاشقینی کبی اقلیمی اوزگریشلر نینگ سلبی اثرلری کمه‌یشی اوچون اوشبو مملکت دولتی بیلن هماهنگ‌لیکده لایحه‌لر نینگ قولگه آلیشلری کیره‌ک.»
طبیعی آفت‌لرنی باشقریش ایشلری بوییچه دولت وزیرلیگی، سوو تاشقین‌لریدن زیان کورگنلرگه یاردم ییتکزیلیش نینگ قنچه‌لیگی و قنده‌یلیگی خصوصیده هیچ بیر نرسه دیمه‌گنی بیلن، لیکن حاضر ایسه قطر بیلن باشقه بیر قطار مملکت‌لر و ایچکی و تشقی نهاد‌لر سوو تاشقینی‌دن زیان کورگنلر گه یاردم ییتکزیلیشی‌دن خبر بیرگنلر.