فاریاب ولایتی‌ده قشاق‌لیک باعث، باله‌لر تعلیم نی ترک قیلیب و ایشچی‌لیککه یوز کیلتیرگنلر.
فاریاب ولایتی‌ده ایش قیلیش اوچون تعلیم نی ترک قیلگن باله‌لردن قطاری نینگ ایتیش‌لریچه، عایله‌لری نینگ اقتصادی وضعیتی یامان‌لنگنی سبب، تعلیم نی ترک قیلیب ایش قیلیش گه مجبور بولگنلر.
تعلیم نی ترک قیلیب ایشچی‌لیککه یوز کیلتیرگن باله‌لردن بیری ضیاءالله نینگ ایتیشیچه، ییترلیچه ییمککه قول تاپه‌آلمه‌یش‌لری سبب، مکتب گه بارمه‌ی ایش قیلیش گه مجبور بولگن دیر.
بیزلرنینگ فیسبوک صحیفه‌میزگه باش اورینگ!
مذکور باله گه کوره، ایرتنگ‌دن آخشم‌گچه میمنه شهری نینگ بازاری‌ده قینه‌تیلگن یومورته ساتیب و شو رقم عایله خره‌جتی نی تامینلهیدی.
اونینگ کوپه‌یتیریشیچه: «آته‌م هم غریب‌کارلیک قیله‌دی و اوزیم هم مکتب نی ترک قیلدیم. بازار ده یومورته ساتیب، تاپگن پولیم نی عایله‌م گه نان آله‌من.»
ایشچی باله‌لردن باشقه بیری ولید نینگ ایتیشیچه، بوت رنگ قیلیش بیلن کونده ۸۰ الی ۱۵۰ افغانی قولگه کیلتیریب و شو رقم عایله خره‌جتی تامینلهیدی.
اونینگ کوپه‌یتیریشیچه، مکتب گه بارمه‌یدی و بیر هفته‌ده بیراز وقت تاپگنی صورت‌ده، بیر یا-ده ایکی کون مکتب گه باره‌دی و باشقه کون‌لر ایسه ایشله‌یدی.
شونده‌ی بیرحالده، فاریاب مدنی فعال‌لریدن آزاد بیگ نینگ ایتیشیچه، سونگی کون‌لرده فاریاب مرکزی میمنه شهری‌ده ایشچی باله‌لر و تیلنچی‌لر سانی کوپه‌یگن دیر.
مذکور مدنی فعال گه کوره، اسلامی امارت و یاردم بیرووچی دفتر‌لر بو توغریده جدی شکلده توجه قیلیب و اوشبو باله‌لر گه یاردم بیریش‌لری کیره‌ک.
فاریاب ایش و اجتماعی ایشلر ریاست رئیسی داملا عبدالوکیل فاریابی، اوشبو موضوع نی تصدیق‌لب و سلام‌وطندار گه ایتیشیچه، قیغو بیلن مذکور ولایت‌ده ایشچی باله‌لر و تیلنچی‌لر سانی کوپه‌یگن دیر و اوشبو باله‌لر اقتصادی قیین‌چیلیک اوچون ایش قیلیش گه مجبور بوله‌دیلر.
بیزلرنینگ توییترده هم تعقیب قیلینگ!
جناب فاریابی گه کوره، اوشبو ریاست یاردم بیرووچی دفتر‌لر همکارلیگی بیلن مذکور ولایت‌دن ۱۶۹۰۷ ایشچی باله نی ثبت قیلگنلر و تیزلیککه اوشبو باله‌لر گه یاردم بیریلیشی ممکن.
شونینگدیک ایشچی باله‌لر نینگ ایتیش‌لریچه، آرزو‌لری گه ییتیشه‌آلمه‌گنلر و قیته تعلیم‌‌لری نی باشله‌یشلری اوچون اولر گه یاردم بیریلیشی کیره‌ک.