ایران جمهورلیک ریاستی سیلاوی ایکینچی باسقیچی، بوگون ایرته‌لب (جمعه، ۱۵-سرطان)، محلی وقت بیلن ساعت ۰۸:۰۰ ده باشلنگن.
ایسنا آژانسی نینگ گزارش بیریشیچه، ایران رهبری سید‌علی خامنه‌ای آواز بیریش جریانی نینگ دستلبکی ساعت‌لریده، آواز بیریب و سیلاو نینگ ایکینچی باسقیچی‌ده ایران یشاوچیلری نینگ اشتراک ایتیشی گه تاکید قیلگن. اونینگ کوپه‌یتیریشیچه: «سیلاو نینگ ایکینچی باسقیچی‌ده یشاوچیلر، ایش نی بیتیریش و ایرته گه جمهور باشلیغیمیز بولیشی اوچون همتلری نینگ کوپ بولیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
آواز بیریش جریانی نینگ ۱۸ ساعت دوام تاپیشی ممکن؛ لیکن نیاز بولگنی صورت‌ده بو مدت، ایران ایچکی ایشلر وزیرلیگی تامانیدن اوزه‌یتیریله‌دی.
ایران جمهورلیک ریاستی سیلاوی نینگ بیرینچی باسقیچی، اوتگن جمعه مسعود پزشکیان، سعید جلیلی، محمدباقر قالی‌باف و مصطفا پورمحمدی آره‌سیده یولگه قوییلگن ایدی؛ لیکن اوشبو نامزدلردن هیچ بیری آوازلر نینگ یریمی‌دن کوپینی قولگه کیلتیره آلمه‌دیلر.
سیلاو نینگ بیرینچی باسقیچی‌ده حساب‌لنگن ۲۴ میلیون ۵۰۰ مینگ آوازدن، مسعود پزشکیان ۱۰ میلیون ۴۰۰ مینگ‌دن آرتیق آواز و سعید جلیلی ایسه ۹ میلیون ۴۰۰ مینگ آواز نی قولگه کیلتیریش بیلن ایکینچی باسقیچ گه یول تاپدیلر.
بیزلرنینگ فیسبوک صحیفه‌میزگه باش اورینگ!
ایران سیلاو ستادی نینگ بیاناتی اساسیده، جمهورلیک ریاستی سیلاوی نینگ بیرینچی باسقیچی‌ده اوشبو مملکت یشاوچیلری قتنه‌شیشی میزانی ۴۰ فایز ایکن که ایران جمهورلیک ریاستی سیلاوی نینگ برچه باسقیچلریده‌گی اینگ آز رقم نی کورسته‌دی.
ایران، هوایی بیر واقعه‌ده سیدابراهیم رئیسی بیلن اونینگ همراه هیئتی نینگ اولیمی سبب، تیزلیککه سیلاو یولگه قویگن.