افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری یا-ده یوناما، سلام‌وطندار گه بیر بیانیه یوللش بیلن ایتیشیچه، بیرلشگن ملتلر تشکیلاتی نینگ اداری و مالی ایشلری بوییچه مصلحتی کمیته‌سیدن بیر هیئت، یوناما ایشلری نی تیکشیریش مقصد کابل گه کیلگن.
یوناما بیانیه‌سیده کیلیشیچه: «بیرلشگن ملتلر تشکیلاتی عمومی مجمع‌سی نینگ مصلحتی کمیته‌سیدن بیر هیئت اداری و (ACABQ) بودجه‌سی مسئله‌لری اوچون حاضر افغانستان دن کوریب چیقه‌دی که افغانستان ده بیرلشگن ملتلر تشکیلاتی نینگ اورین‌باسریلیک دفتری (یوناما) ایشلری نی تیکشیرسه.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، افغانستان سرپرست حکومتی نینگ تشقی ایشلر وزیرلیگی بیر بیانیه ترقه‌تیش بیلن ایتیشیچه، اوشبو وزیرلیک سرپرستی امیرخان متقی کابل ده بیرلشگن ملتلر تشکیلاتی نینگ اداری و مالی ایشلری بوییچه مصلحتی کمیته‌سی نینگ هیئتی بیلن اوچره‌شگن.
تشقی ایشلر وزیرلیگی نینگ بیانیه‌سیده کیلیشیچه، اوشبو ییغین‌ده بیرلشگن ملتلر تشکیلاتی‌ده افغانستان نماینده‌سی، انسان‌پرورلیک یاردم‌لر نینگ فایده‌لی بولیشی و افغانستان ده ترقیاتی لایحه‌لردن حمایت قیلیش حقیده، صحبت قیلینگن.
تشقی ایشلر وزیرلیگی بیانیه‌سی نینگ بیر بولیمی‌ده کیلیشیچه: «یاردم‌لر نینگ شونده‌ی صرف‌لنیشی کیره‌ک که، اهالی ایش بیلن شغللنسه، ایچکی تولید بیلن صناعت رواجلنسه و بیرلشگن ملتلر تشکیلاتی افغانستان بازارلریده اوز نیازلری نی تامین قیلسه که بو رقم افغانستان خصوصی سکتوری‌دن قوللب-قوتلنسه.»
باشقه بیرتاماندن، سیاسی مسئله‌لر بیلرمانلریدن قطاری نینگ ایتیشلریچه، افغانستان بیلن دنیا نینگ هماهنگ‌لیگی و همکارلیک فضا‌سی یره‌تیلیشی و اونینگ منطقه گه بوله‌دیگن تاثیری، انسان حقوقی‌دن حمایت قیلیش، سلامت‌لیک‌دن فایده‌لنیش و تعلیم و تربیه‌دن برچه نینگ فایده‌لنیشی افغانستان ده یوناما نینگ اساسی ایشلریدن دیر.
سیاسی مسئله‌لر بیلرمانلری نینگ ایشانچی گه کوره، یوناما اوتگن نیچه ییل جریانیده اساسی ایشلری نی یخشی بیر شکلده انجام بیره آلمه‌گن.
سیاسی مسئله‌لر بیلرمانی میرویس آشفته نینگ سلام‌وطندار گه ایتیشیچه: «یوناما ماموریتی، انسان حقوقی نینگ رواجلنیشی و حمایت بولینیشی و عیال‌لر گه ایش و تحصیل زمینه‌سی یره‌تیلیشی، افغانستان ده بیرلشگن ملتلر تشکیلاتی اورین‌باسرلیک دفتری نینگ اساسی ایشلریدن دیر که حاضرگچه انجام بولمه‌گن.»
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بیلرمانلریدن باشقه بیری سیدمقدم امین نینگ ایتیشیچه، حاضر ایسه افغانستان ده یوناما تحلیل قیلووچی صفتیده ایش قیله‌دی. «یوناما اساسی ایشلری نی انجام بیریشده ناکام بولگن و انسان‌پرورلیک یاردم‌لر درست شکلده صورت تاپمه‌یدی و شو رقم اسلام امیرلیگی بیلن بیران پیت همکارلیک علاقه‌سی یوق.»
ایتیش کیره‌ک که، افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری، میلادی ۲۰۰۲-ییل اوشبو تشکیلات نینگ خوفسیزلیک کینگشی آرقه‌لی ۱۴۰۱ قطعنامه‌سی نی صادر قیلیش بیلن، شکل‌لنگن. یوناما نینگ افغانستان ده بولگنی‌دن مقصد، اوشبو مملکت اهالی‌سی گه یاردم بیریش دیر.