بدخشان ایکینچیلیک، سووغاریش و چاروه‌چیلیک ریاستی مسئوللری، اوشبو ولایت خاش و بهارک تومن‌لریده ۲ مینگ ۶۶۰ دهقان گه بوغدای اوروغی بیلن کیمیاوی کود ترقه‌تیلگنی‌دن خبر بیرگن.
بدخشان ایکینچیلیک، سووغاریش و چاروه‌چیلیک ریاستی باشلیغی امان‌لله حسن نینگ ایتیشیچه، مذکور یاردم‌لردن خاش تومنیده ۱۱۶۰ دهقان و بهارک تومنیده ایسه ۱۵۰۰ دهقان فایده‌لنگن.
بیزلرنینگ فیسبوک صحیفه‌میزگه باش اورینگ!
جناب حسن نینگ کوپه‌یتیریشیچه، شونینگدیک بیرلشگن ملتلر تشکیلاتی نینگ آزیق-آوقت دستوری مالی همکارلیگی بیلن ناروی دفتری آرقه‌لی بو ولایت ایکینچیلیک ریاستی هماهنگ‌لیگیده، بدخشان ولایتی نینگ باشقه ۲۶ تومنیده ۲۴ مینگ ۸۳۹ دهقان گه هم بوغدای اوروغی و کیمیاوی کود ترقه‌تیلیشی ممکن.
شونده‌ی بیرحالده، هرات ده محلی مسئوللر نینگ ایتیشلریچه، اوشبو ولایت زنده‌جان تومنیده تیکا دفتری نینگ حمایتی بیلن، ۳۰۰ دهقان گه بوغدای اوروغی، ایکی تور کیمیاوی کود و ایکی ته تراکتور ترقه‌تیلگن.
بیزلرنینگ «ایکس» ترماغی ده هم تعقیب قیلینگ!
هرات ده تشقی علاقه‌لر نماینده‌لیگی باشلیغی شیراحمد عمار مهاجر، مذکور یاردم‌لر نینگ ترقه‌تیلیشی جریانیده اسلامی مملکتلر تشکیلاتی‌دن اوشبو ولایت ایکینچیلیک سکتوری بیلن همکارلیک‌لری نینگ کوچه‌یشینی ایسته‌گن.
