چمه‌سی سونگی ایکی سنه ده، کوپ سانده دهقان‌لر اینیقسه مملکت نینگ جنوبی ولایت‌لریده ناتینچ‌لیک و دولت تامانیدن ییترلی روشده نظارت بولمسلیگی طفیلی کوکنار ایکیش و ییتیشتیریش گه یوز کیلتیرگن ایدیلر و بو؛ اوشبو عایله‌لر نینگ اصلی درآمد منبع‌سی گه اوزگرگندی.
افغانستان ده اسلام امیرلیگی حاکمیتیدن کیین، مملکت ده بنگی‌وار ماده‌لر ایکینی و ییتیشتیریلیشی تقیق‌لنگن، دهقان‌لر گه کوره، بوغدای و باشقه ایکین‌لری یخشی حاصل بیرمه‌ی و درآمد قیلمسلیک‌لری اوچون، اولر اقتصادی قیینچیلیک بیلن روپه‌ره بولگنلر.
مذکور دهقان‌لر گه کوره، کوکنار ایکینی اورنیده حاضرگچه اولر گه یاردم بیریلمه‌گن.
قندهار ده‌گی دهقان‌لردن سیداحمد نینگ سلام‌وطندار گه ایتیشیچه: «کوکنار ایکینی تقیق‌لنگنیدن بیر یریم ییل اوتماقده، بوغدای ایکدیک لیکن یخشی حاصل بیرمه‌دی، بیز گه اصلاح بولگن اوروغ بیریش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
قندهار ده‌گی دهقان‌لردن باشقه بیری گل‌آغا گه کوره: «بیز گه یاردم بیرگن‌لری یوق، بوغدای ایکه‌میز ییغیم_تیریم پیتیده ارزان بوله‌دی، ایکین‌لر یخشی حاصل بیرمه‌یدی، سوو یوق.»
شونینگدیک، هلمند ولایتیده دهقان‌لردن بیری میراجان گه کوره: «تریاک درآمدینی بیره‌دیگن ایکین حاضرگچه تاپگن یوق میز، البته بعضی ایکین‌لر بار بیراق ایکیش اوچون امکانیت یوق، چونکه مصرفی کوپ، حکومت دن بو کبی بیر بدیل بیز گه تاپیب بیریشینی سوره‌یمیز.»
قندهار ده‌گی دهقان‌لر نینگ ایتیشلریچه، اولر گه اصلاح بولگن اوروغ توزیع بولیشی کیره‌ک، چونکه بو ولایت نینگ ییرلری ده زعفران، هنگ و زیره ایککن حالده، کوکنار درآمدینی بیریشی ممکن.
قندهار ده دهقان‌لردن بیری احسان‌الله نینگ ایتیشیچه: «باشقه ایکین‌لر گه قره‌گنده، هنگ، زعفران و زیره یخشی بدیل بولیشی ممکن و یخشی حاصل بیره‌دی، بیز گه اصلاح بولگن اوروغ بیریلیشی درکار.»
عین‌حالده، بیرلشگن ملت‌لر تشکیلاتی نینگ جنایی جرم و بنگی‌وار ماده‌لر گه قرشی کوره‌ش اداره‌سی افغانستان ده کوکنار ایکینی اورنیده بدیل اوستیگه بحث ایتیش اوچون ایش بیلرمان‌لر نی آلیب کیلگنی ایتیلگن.
اسلام امیرلیگی ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینیتی، بونده‌ی سوزلرنی تصدیق یا که رد قیلمسه ده، بیراق بوتوغریده بیرلشگن ملت‌لر تشکیلاتی تامانیدن حاضرگچه همکارلیک بولمه‌گنینی معلوم قیله‌دی.
بیزلرنینگ «ایکس» ترماغی ده هم تعقیب قیلینگ!
بنگی‌وار ماده‌لر گه قرشی کوره‌ش معینیتی نینگ دفتر باشلیغی حسیب‌الله احمدی نینگ سلام‌وطندار گه ایتیشیچه، بو معینیت بیرلشگن ملت‌لر تشکیلاتی بیلن هرقنده‌ی مذاکره و همکارلیک قیلیش گه تیار دیر.
او نینگ کوپه‌یتیریشیچه: «کوکنار ایکینی اورنیده بدیل ایکین تاپیش اوچون دهقان‌لر گه بیریله‌دیگن هر قنده‌ی یاردم نی خوش قرشی له‌یمیز.»
باشقه تاماندن ایکینچیلیک، سوغاریش و چاره‌چیلیک وزیرلیگی، کوکنار ایکینی اورنیده بدیل برنامه‌لری بولیشیدن خبر بیره‌دی، شونینگدیک مذکور وزیرلیک باغلیق اداره‌لر و بیرلشگن ملت‌لر تشکیلاتی دن بوتوغریده همکارلیک قیلیش‌لرینی سوره‌یدی.
ایکینچیلیک، سوغاریش و چاروه‌چیلیک وزیرلیگی سوزلاوچیسی مصباح‌الدین مستعین نینگ سلام‌وطندار گه ایتیشیچه: «بیرلشگن ملت‌لر تشکیلاتی دن بوتوغریده ایکینچیلیک وزیرلیگی و متخصص‌لر بیلن هماهنگ بولیشینی ایسته‌یمیز، بوتوغریده بیرلشگن ملت‌لر تشکیلاتی تامانیدن کورسه تیله‌یاتگن یاردم‌لر ییترلی ایمس دیر.»
برچه‌سی بیلن، اقتصادی ایش بیلرمان ظاهر بهزاد نینگ ایشانچی گه کوره، مملکت نینگ قطار منطقه‌لریده دهقان‌لر کوکنار ایکینی بیلن یخشی درآمد قیله‌دیلر، بو دهقان‌لر کوکنار ایکمسلیک‌لری اوچون اولر گه بدیل ایکین تاپیب و محصول‌لری گه مناسب بازار قیدیریش کیره‌ک.
او نینگ کوپه‌یتیریشیچه: «دهقان‌لر کوکنار ایکینی دن یخشی درآمد قیلیش‌لری اوچون بو ایکین گه یوز کیلتیرگنلر، دولت زعفران و هنگ کبی بدیل تاپیب و بوتوغریده بازار قیدیریشی لازم.»
ایتیش کیره‌ک، بوندن آلدین حکومت و بیرلشگن ملت‌لر تشکیلاتی نیچه مرته، دهقان‌لر گه کوکنار ایکینی اورنیده بدیل تاپیب بیریش‌لریدن ایشانچ بیرگنلر.