اسلام امیرلیگی سوزلاوچیسی ذبیح‌الله مجاهد نینگ ایتیشیچه، افغان-ترانس تیمیر یولی لایحه‌سی خصوصیده پاکستان، اوزبیکستان و قطر نماینده‌لری بیلن اوچره‌شگن.
او بوگون (سه‌شنبه، ۱۲-سرطان)، اوز اکس صحیفه‌سیده بیر بیانیه آرقه‌لی یازیشیچه، مذکور تورت تامانلمه ییغیلیش‌ده افغان-ترانس تیمیر یولی لایحه‌سی باشلنیشی خصوصیده صحبت قیلینگن.
بیزلرنینگ فیسبوک صحیفه‌میزگه باش اورینگ!
مجاهد نینگ کوپه‌یتیریشیچه، افغان-ترانس تیمیر یولی لایحه‌سی، افغانستان آرقه‌لی پاکستان و اوزبیکستان نی بیر-بیریگه باغله‌یدی و مذکور مملکت‌لر نماینده‌لری هم اوشبو لایحه نینگ تیزلیکده باشلنیب و ایشی بیتیشی‌گه تاکید قیلگنلر.
اوزبیکستان بیرینچی مرته افغان-ترانس تیمیر یولی لایحه‌سی نینگ عمل‌گه آشیریلیشی نی ۲۰۱۸-ییلی‌ده تکلیف بیریب و یقین بیش ییل ایچیده ۵ میلیارد دالردن آرتیق خره‌جت بیلن بو لایحه نینگ یکونلنتیریشی کوتیله‌ر ایدی.
بیزلرنینگ «ایکس» ترماغی ده هم تعقیب قیلینگ!
بو لایحه افغانستان دن اوتیشی بیلن، مرکزی آسیا نی جنوبی آسیا گه باغلب و افغانستان، اوزبیکستان و پاکستان نینگ اینگ اونملی قوشمه لایحه‌لریدن بیری دیر.