ایرکین میدیالر خلق‌ارا ائتلافی (MFC) قوشمه باشلیغ‌لری هالند و کانادا، اوتگن کون –جمعه، ۲۷ عقرب، افغانستان نینگ اوشبو ائتلاف اعضالیگیدن چیقریلگنیدن خبر بیردیلر.
مذکور ایکی مملکت گه کوره، برچه اعضالر نینگ مصلحتی و ایرکین میدیالر خلق‌ارا ائتلافی نینگ قاعده‌لری گه بناً، افغانستان مذکور ائتلاف اعضالیگیدن چیقریلیشگه قرار قیلینگن.
ایرکین میدیالر خلق‌ارا ائتلافی بیر بیانیه ترقه‌تیب، افغانستان ده میدیالر نینگ حاضرگی وضعیتیدن خواطر بیلدیریب ایتیشیچه، اوشبو مملکتده میدیالر احوالی خلق‌ارا قانون_قاعده‌لری گه ماس ایمس دیر.
مذکور ائتلاف نینگ بیانیه‌سیده کیلیشیچه، ایرکین میدیالر خلق‌ارا ائتلافی گه اعضا مملکت‌لر، میدیالر خلق‌ارا قانون_قاعده‌لری گه متعهد دیر، اوشبو قانون گه ماس حرکت قیلمه‌گن اولکه‌لر، برچه اعضالری تامانیدن جوابگرلیککه تارتیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک بیانیه ده کیلیشیچه: «ایرکین میدیالر خلق‌ارا ائتلافی، افغانستان ده ایرکین میدیالردن اوز نظارتی گه دوام بیره‌دی.»
نیچه کون آلدین، افغانستان ده بیرلشگن ملت‌لر تشکیلاتی نینگ اورین باسرلیک هیئتی (یوناما)، خبرچی‌لر گه قرشی زوروانلیکلر آشیشیدن خواطر بیلدیریب، اسلام امیرلیگی حاکمیتیدن کیین، خبرچی‌لر گه قرشی ۲۰۰ زوروانلیک ثبت ایتیلگنینی ایتگن ایدی.
اوتگن بیر ییل ده میدیالر گه یره‌تیلگن چیکلاولر نتیجه‌سیده، قطار میدیالر نینگ فعالیتی توخته‌ب و فعالیتی بولگن ییتکیرمه‌لر نینگ هم، فعالیتی قیسقرتیریلگن.
چیگره بیلمس گزارشگرلر تشکیلاتی نینگ معلومات‌لری اساسیده، اسلام امیرلیگی حاکمیتیدن کیین، افغانستان بویلب چاپی، صوتی و تصویری ۲۱۹ میدیا فعالیتی توخته‌گن.
بیزلرنینگ توییترده هم تعقیب قیلینگ!
باشقه تاماندن، افغانستان ده اطلاعات گه قول تاپیش حقیدن حمایت قیلووچی اداره یوق‌لیگی باعث، میدیالر و خبرچی‌لر نینگ اطلاعات گه قول تاپیشی قیسقرتیریلیب و حکومت اداره‌لریدن قطاری نینگ سوزلاوچیلری، میدیالر بیلن یخشی طرزده همکارلیک قیلمه‌یدیلر.
اوشبو تشکیلات نینگ معلوماتی گه بناً، افغانستان ده اسلام امیرلیگی حاکمیتدن آلدین، مذکور مملکتده ۵۴۷ میدیا فعالیت قیلر ایدی؛ بیراق حاضر ۳۲۸ میدیا فعال دیر.
ایتیش کیره‌ک که، افغانستان ۱۳۹۸_ییل ده ایرکین میدیالر خلق‌ارا قانون_قاعده‌لرینی رعایت ایتیشی باعث، ایرکین میدیالر خلق‌ارا ائتلافی عضویتینی قولگه کیریتگندی.